Feb 19 – MORMLAGA!

3  John 1:2 “morom laga khan, ami prathana kore ki apuni unnati hobole sob saman khan te aru swasth te bi, jinika apuni laga atma unnati kore”.

John laga Tisra epistle te ase khali ekta adhyaya aru itu chau-sath(sixty-four) kitab ase Bible laga. Chela Paul, ase chela junke Jisu morom korishe, mati ase ami khan ke ‘morom laga khan’ koi kene aru ashirbaad di ase ami khan ke koi kene: “morom laga khan, ami prathana kore ki apuni unnati hobole sob saman khan te aru swasth te bi, jinika apuni laga atma unnati kore”.

Chela Paul khali Isor ke morom kora nahoi hoilebi Isor bi taike morom korishe. Jitya apuni pori jai John laga gospel ke aru tinta epistles khan ke juntu John pora likhi she, apuni khan bujibo pare tai laga dangor morom Isor nimite, biswasi khan te aru Girja karone. Inika swarg nishina morom thaka bonaishe taike ‘Isor ke morom laga chela’.

Aru utu chela junke Jisu morom korishe, mati ase aji ami khan ke ‘morom laga khan’ koi kene. Kiman bishi khushi hobole thaka ami khan judi Isor nijor hi ami khan ke matishe koile ‘morom laga khan’ koi kene? Isor laga bacha khan, apuni khan nomro kori kene aru nijor ke di kene Tai laga maujudgi te, hobole nimite Tai laga sob se morom laga.

Bonibole ‘Isor ke morom laga’, apuni khan dhyan dibole lage hodai din laga jibonte apuni laga atma karone. Ki apuni laga atma jibon pora bhorta ase, na itu ke pai jibon nathaki kene, judi bi apuni gau pora jiyai ase? Ki achurit aru anondaik awaz bachi ja laga apuni laga atma te ase, na itu dubi kene ase andhera te? Ki apuni laga atma tan pora khara hoi kene ase na itu ke pai jibon nathaka aru murija?

Itu pora apuni ke udhar kori kene dibo lage jibon apuni laga atma ke, ki Isor pora dishe Tai laga jibon ke krus te. Pobitro kotha te koi: “aru apuni ke bonaishe jiyai thaka, jun khan morishe galti aru paap khan te” (Ephesians 2:1).

Pobitro kotha te  itu bi koi: “apuni khan ekbaar beraishe hisab te niom itu prithibi laga, hisab te rajkumar hawa laga shakti laga, atma juntu itya kaam kore putro khan logote kotha namana laga, majote tai khan laga ami khan bi agete thakishe nijor ke lobh te gau laga, pura kori kene icha khan gau laga aru mon laga,  aru ami khan thakishe bacha khan jolibole laga prakritik pora, jinika dusra khan. Hoilebi Isor, jun dhon ase daya te, kilekoile Tai laga dangor morom pora hi juntu pora Tai morom korishe ami khan ke, judi bi ami khan mora thakishe galti khan te, bonaishe jiya Krista logote. Anugrah pora hi apuni khan bachishe” (Ephesians 2:2-5).

*Isor laga bacha khan, ki apuni khan bi jiyai ase jibon juntu khushi kore Isor ke? Apuni laga gau tu dibole lage Isor ke aru Tai laga mondir nimite hi, aru apuni laga atma jiyabo. Tini hoile hi, apuni loi jabole paribo bishi atma khan ke Krista Jisu te.

Aji dhyan koribole laga pobitro kotha tu hoile Daniel 9:23 “suru te apuni laga binti khan laga adesh ulai jaishe, aru ami ahishe kobole itu apuni ke, ki apuni khan tu bishi morom laga khan ase”.*