Feb 18 – VISWASETHI SAAVUKARPAN

Yakob 2:5 Mar premer bhayibando, samalo, Dev yee dharthir garibena – viswasema saavukarer nai, vona prem karevalen – vu bachan kidojako rajyena vaarisevaler nai taallidocha konika?

Apaner Dev viswasema ghano saavukar cha. Vuj viswasethi yee sari jagena srusti kidocha. Yee veda kan kojako vather jor bhar athanu yee seji pedavegi.

Dev kunvatho viswasema saavukar chako hannuj apan sada viswasema saavukar ven renu. Yer bagey sos karnu. Apaner vadbudeval seji Yeej viswasethi rethanu Prabhur vadithi hacho gavayin palide.

Abrahamer viswaser  vadi sos karatho, vu viswas karajena sejini Bap vencha. Vor viswasema jathanethi vetho jethi von Deveparer viswasema yekkoli Kamjorethi naraju von Dev chalayoju Canaanethanu viswasethij chalo. Vuj viswasethi vor budpanema Yeklo beta Issacen paldo. Viswasethi Abrahamer jeevanema Massaj acham kalar kamena ditto.

Simth Wigglesworth kajako 20 shathabdema viswasemaj moto vetho. Vu viswasero Aposthal kan nam lelido. Vor viswasethi margejako 14 admivun pharan jeevyayeju kido. Jann sey vorema vethijako viswasemar savukarpanen dekan achamo vege. Vu kojako vath, Ma Dever vathema ghano viswas karuchu. Kasen katho vu Dever vathaj marema athra viswasen dinicha. Jethi ma katha javu thoi mar laar Dever vathen lejavuchu, Yekvela Mar tangen perer cheplu, ajji kathik javajana Lathan lejayer bhuljayu lapan mar lar Dever vathen mathram bhulnukoni kan gavai dino. Thar viswasema ghat renu savukarenai renu katho thu sada Dever vathen viswas karnu.

Thodsek manikya aviswethi rethanu vo vutekoni Dever vathen nammekoniju vethe jethi vo Prabhu saru mot kamen kidekoni. Yohan 20:27 Pacha Thomana dekan- thu thar angalina yevadi laan Mar hathena dek, Thar hath laambo karan Mar pakthima melan, aviswasi veniju viswasi ven rakan ko.

Thar viswasema garibpanethi remath. Vachanema thona chavunujako sey thara samjavni, agnavo, asavo cha voj thona viswasema savukarenai kareval cha.

Apaner heryek jeevaner daden chavunujako seji viswas chenitho Palani. Yek gharema gonnir vachan dhanir vacha nammakam chenikatho vu samsaram narakamaj. Yedibaper vacha Ajji beptar vacha nammakam viswas rathoj vu katmalo ashisethi racha. 2 Timothy 1 :12

Vorvas yee bhavetini parochu, jethi ma laaz karuni, kasenkatho ma viswas karujako kunkan manna malam, vordai ma havaal kidojena vo dadethanu jathan karena jorevalo cha kan ghatto nammuchu.