Feb 18 – DHON BISWAS TE!

James 2:5 “hunibi, ami laga morom bhai khan: ki Isor pora chuna nai dukhiya khan ke prithibi laga hobole dhon biswas te aru bacha khan rajyo laga juntu Tai pratigya dishe tai khan ke jun morom kore Tai ke?”

Ami khan laga Isor dhon ase Biswas te. Biswas dwara, Tai nirmaan korishe pura brahmaan ke. Jitya Tai koishe hobdo khan ke Biswas laga, Shakti nirmaan kora laga jaishe bahar Tai pora aru nirmaan korishe sob saman khan ke.

Isor icha kore ami khan ke hobole dhon Biswas te, jinika Tai ase dhon Biswas  te. Khali bhabna koribi itu uporte. Biswas pora, sob ami khan laga bura baba khan paishe bhal gawahi ke Isor pora.

Biswas Abraham laga: baba Biswas laga, ane khas ekta akarshak ane. Pobitro kotha te koi ki tai thakanai komjur tai laga Biswas te. Biswas pora, tai beraishe Canaan phine; Biswas pora tai paishe Isaac ke tai laga bura umor te; aru tai korishe mahaan kaam ke aru achurit saman khan ke Biswas pora.

Smith wigglesworth ke mate chief Biswas laga sena khan te  20th century laga; aru tai ke mate chela Biswas laga. Tai laga mantralay dwara, tai anishe wapas jibon te chaudho ta manu khan ke jun morishe. Manu khan achurit pasihe tai laga dhon pora Biswas laga. Tai koishe, ‘itu khali bachana se isor laga juntu bonaisxhe Biswas ami te. Kilekoile ami morom kore bachan ke Isor laga, ami loi itu ke hodai din. Judibi ami pahore juta khan ke ami theng karone; nahoilebi kapra khan ke ami jabole laga, ami kitya bi napahore lobule bible ke mai logote, jote jaile bi’. Apuni bi manibo lage aru lobo lage bachan ke Isor laga apuni laga jibon te, hobole tagot Biswas te.

Tate ase bishi jun khan ase iku naji kene nijor jbon laga Biswas nathaka pora. Kilekoile tai khan komi pora Biswas laga, tai khan napare uthibole  aru koribole mahaan kaam khan ke Isor laga. Isor Jisu koi sob jon ke, “nahobi ahbiswasi, hoilebi hobi Biswasi” (John 20:27).

Nahobi dukhiya Biswas te; hoilebi hobi dhon apuni laga Biswas te. Sob salhakaar aru adesh khan aru akha khan ase tate bonabole apuni ke dhon Biswas te.

Hodai din laga jibon te itu prithibi laga,ami khan pabole napare iku bi bina Biswas te. Judi ekta mota aru maiki thakibole lage iku Biswas nathaki kene ek dusra te, utu jibon hobo narak. Ekta porivaar hobo ashirbaad khali jitya tate thake Biswas majete bachakhan aru ama baba khan te bi.

Bacha khan Isor laga, khali judi apuni thake Biswas Isor te, hi apuni khara koribo paribo upor aru koribo paribo mahaan kaan khan ke Isor nimite.

Aji dhyan koribole laga pobitro kotha tu hoile 2 Timothy 1:12 “kintu ami jane kun ke ami Biswas korishe aru ami mane ki Tai pare rakhibole ki ami koishe Tai ke utu din nahua tok”.