Feb 17 – CHANGAI BISWAS PORA!

Hebrews 11:6 “hoilebi Biswas nathaki kene itu namumkin ase khushi koribole Tai ke, kintu tai jun ahe Isor te Biswas koribo lage ki Tai ase, aru ki Tai ase trankarta tai khan ke jun khan mon di kene bisare Tai ke”.

Biswa ase chabi khulibole achurit khan ke swarg laga. Ami khan pai saman khan ke itu prithibi laga poisa pora. Hoilebi ami khan pai swarg laga ashirbaad khan ke khali Biswas dwara.

Judibi Isor proa korishe dangor achurit khan ke Tai laga tagot dwara, Tai koishe ‘itu khan mumkin hoishe khali kilekoile apuni laga Biswas pora’. Judi apuni ke lage pabole divya changai aru bhals wasth, apuni Biswas koribo lage aru swikaar koribo lage apuni laga Biswas ke ki ‘Isor ase mahaan changai koribole ami ke; bhal koribole ami laga bimar khan ke; aru dibole ami ke bhal swasth.

Bishi bar, tate ase uthal puthal ami khan Biswas te kilekoile ami khan sai chunoti khan te aru poristithi khan te; aru gherav hoishe bhoi pora, komi Biswas laga; komjuri aru haar khan. Bhar ahibole itu bhagor pora aru jiti bole itu poristithi khan, itu zaroori ase apuni ke swikaar koribole apuni laga Biswas ke. Dhalibi satan ke sorom te khuli kene ghoshna koribi, “ami jane kun tea mi Biswas kore- Isor Jisu krista te”. Jitya apuni rakhe lagatar pratigya khan ke isor laga, Biswas apuni te hobo tagot.

Ekbaar tate thakishe ekta jawan maiki jun bhugishe asthma pora. Tai porhibole bi napare byko ke Isor laga. Toh, hisab te nirmaan koribole Biswas ke tai te, ami koishe kinika isor achurit pora changai korishe asthma laga rogi khan ke aru dangor pratigy khan ke isor laga changai koribole bimar khan ke.

Utu sham te utu maiki ahishe duvya changai kora laga Gospel laga seva te;a ru prathana korishe nirantar Biswas pora. Aru hisab te tai bisws laga tai paishe divya changai utu sham te. Hoi, hisab te nirmaan koribole Biswas ke ekta manu te,a mi khan saph pora kobo lage bachan ke isor laga; ami khan kobo lage mahaan achurit khan ke Isor laga; aru kobo lage ki ajibi isor mahaan ase koribole inika achurit khan ke jibon te utu manu laga.

Jitya Israelites khan ke loi jaishe jongol te, “tate kun bi komjur thakanai Tai laga jati te” (Psalm 105:37). Tate kun bi komjur nahoilebi bimar thakanai.

Ami khan jun khan ase Notun Niom te ase kiman bi khas tulna korile Purana Niom laga pondit khan ke;  aru mai khan ahishe malik logote Notun pratigya laga.

Bacha khan Isor laga, itu iman hosa ase ki Tai changai kore ami khan ke. “judi apuni Biswas kore apuni dikhibo mahima ke isor laga?”(John 11:40).

Aji dhyan koribole laga pobitro kotha tu hoile Mark 11:24 “itu karone ami koi apuni ke, ki saman khan apuni mange jitya apuni prathana kore, niswas koribi ki apuni paishe itu khan ke,a ru apuni pai jabo itu khan ke”.