Feb 15 – DIYA LAGA JUNTU KHUSHI KORE ISOR KE!

2 Corinthians 9:7 “toh sob jon ke bi dibo dibi tai laga uddesh khan nishina mon laga, gussa uthi kene nahoi nahoilebi lagi thaka karone nahoi; kilekoile Isor khushi pai khushi pora diya jon ke”.

Dibole para Isor ke itu ekta bishi dangor avsar ase apuni laga jibon te. Itu Isor hi ase jun pora dishe apuni ke jibon, swasth aru mauka kaam koribole aru kamabole. Aru tai pora anugrah thaki kene dishe apuni ke labh nauta bhag apuni laga kamai pora sabole apuni laga zaroorat khan ke. Tai hoilebiakha kore apuni ke dibole tai ke dos laga ek bhag, mon khushi kori kene.

Bhabna kori kene sob dangor ashirbaad khan Isor laga apuni laga jibon te,  kaam kore ekta dangor  utsah  kora dibole wapas Isor ke. Tai nirmaan korishe suraj, chandh aru tara khan jitya Tai manu ke bi nirmaan nakora agete. Tai bonaishe pahar khan ke, nadi aru jharna khan, phaldaik gash khan aru sundor phul khan. Tai bonaishe bharpur prakriti, prithibi jiya bole aru palibo para jontu janwar khan. Sobse upor, Tai dishe Nijor ke kruste bachabole apuni ke Tai te. Ki itu namile aru zaroori nahoi ki apuni wapas dibole Tai ke morom aru khushi mon pora? Aru jitya apuni itu kore, Tai anondo hoi pabole itu ke apuni laga hath pora.

Ekbaar, Isor Jisu bohi thakishe mondirte aru sai thakishe manu khan ke dhali thaka daan ke tai khan laga tijori te. Dhon khan tai khan laga bhorta thaka pora di thakishe. kunba khan di thaki ki tai khan laga daan tu manu pora dikhibole. Hoilebi ekta dukhiya vidavaah thakishe jun pora dishe sob juntu tai logote thakishe Isor ke.

Aru Jisu bishi khushi hoishe tai logte aru tai ke sarhaishe itu koi kene: “kilekoile sob itu khan dishe tai khan laga bhorta thaka pora hi dishe daan te Isor nimite, hoilebi tai tai laga dukhiya thaka pora dishe sob tai laga kamai ke juntu tai logote thakishe” (Luke 21:4).

Kinika hisab te apuni dibo lage Isor ke?

1. Apuni khan ekta thik anushashan thakibo lage Isor ke diya te.
2. Apuni khan dibo lage hisab te jinika apuni ashirbaad khan paishe.
3. Apuni khan dibo lage pura mon di kene aru khushi pora.
4. Apuni khan bhal ginti dibo lage, nomro hoi kene, bhorta kori kene.
5. Apuni khan muft pora dibo lage utu ji apuni paishe muft pora.

Jitya apuni diye isor karone, itu kaam diye mantralay cholabole nimite, susmachar ke phelabole, atma khan ke pabole nimite aru girja ke uthabole nimite. Apuni khan dibo pare poisa laga modot. Hoilebi jitya apuni dikhe  bishi atma khan ke swarg te, juntu bachishe utu daan pora, itu bishi anondit hobo apuni laga mon nimite. Ki itu pora dangor khushi thakibo pare?

Aji dhyan koribole laga pobitro kotha tu hoile Acts 20:35 “aru yaad rakhibi kotha khan Isor Jisu laga, ki  Tai koishe, ‘itu bishi ashirbaad ase diya te, pabole thaka pora bi’”.