Feb 15 – Dernan Batte M’engte!

“Bindo roitad maran dernan batte m’engte” (Romi 1:17).

Papwr anosaij ayam-lingan, Kitungan murda Buyanji, Tumadgijmaranji do Rajanji batte arberleji. Do Tabme anosaij-ayam-lingan, Anappaimaranji, Tumadgijmaranji, Bangsa anoblingmaranji, Pastoronji do Hanangnamaranji.

Tiyanite mangbalen, Do Kitungan kan batte d’onglen hanghangte. Do tagoran absuite yangam hanaben dete. Ateng miynum amang, bo auamar ahiman: Sam Jebadurai dakule? (Mattiu 6:26).

Girjasingba yirle titte pastor Pol Yonggi Cho dakule, South Korea lingan. titte pastor anoblingberanji kun auamaran abmele banangsa dele. Kun ayam Kitungan kun mandran a d’ong ablingle India-lingan abaranaben asan, do anin India lingan baran susule, kun ambrij Korea lingan janang baraling (Mattiu 6:33).

Kitungan a d’ongan oblingle India lingan bo surda garber ompun dungtinai gamle. Anin oblingle India lingan bo surda do bo onlamaranji batte anabgugu do sanenkenra dete gamle. Aten asan, angante anin yernaite India lingan (Romi 8:32).

Kitungan a d’ongan asuyemle do amannagarberan susule. Kitungan a d’ongan saring rumangbaran lumle do Mohan C Lajar do Thudhi Shankar mailenji abaranaben asan. Ateng mailenji kun mandran batte, oalleji, yangam amang idolle kan bosoa Janggardadage akambolanji.

Itente Kitungan oblingihten, Hen sarebansingan hanang sanle tiylai. Do itente Hen hanangan tiylai, Hen idollai kan kudduban, Kan akambolanaji saring ajar ajar mandranji a d’ong Kitungan batte arberdateji. Butedelejanang Kitungan aboantanji. Orde Kitungan abaran alumteji amandranji- Kitungan olangtaben engale janang. Anin olangtaben, Kitungan a boantanji saring, gorjangban abangsa anoblingban saring.

Angante amben girjasingban ayirte, amben ayirdong iteja erhamlabe. Bindo maridloge anogandi batte engale Kitungan d’ongben olante. Barokij, Amben agarberben dete yangam pastorben Kitungan hangdramte kun adinna-lingan, Tagorben agaja adside Kitungan a berna kinolba barij j’en batte (Mattiu 4:4).

Tanahimdam Kitungan a onagji, angante Pastor orde Hanangmaran sanle Kitungan olangbnten, kuddub amben andangben dete. kan ate amben apsele hanangan gamle ogandiba. Eteden amben bo bangsa asuyeman ahangte, bo sanittan do lanabyuberan. Tanahimdam Kitungan a onagji

Okiy Kinolbe absele: “Anin a usaltamanji a banaihan saring hen larren er yanir, bar hen sanaisai janumjum-hen saring Anin a t’odan a bernanji awr tartumlai” (Ayob 23:12).