Feb 14 – PRABHUDA HARAOJABA!

“nahakti kayada phajakhraba amasung kayada ningthijakhraba! He nungshibi, pukning hunabagi masakni.!” (Song of Solomon 7:6).

Nahakna Iswarbu pelhange hairabadi Mahakki loinabiba aduda nahakna matam leiba khibikta haraojaduna nungaijagadabani.  Nahakna Mahakpu thagattuna khurumgadabani, adgua Mahakpu nungshi haiba adu utthokkadabani. Aduga Mahakna nangonda asumna hairakkani, “nahakti kayada phajakhraba amasung kayada ningthijakhraba! He nungshibi, pukning hunabagi masakni”.

Iswargi mapham adu da chingnaba amadi murum murum sonbaga loinana mi mayamna changli. Nahakna  Iswargi maphamda momon minokka loinana , amadi thamoida haraobaga loinana changlabadi Iswarna nahakki mathakta soidana penbigani.

Mahakki charaoba nungshibagi maramna Iswarna Israel machasingbu Egyptki bondidagi puthokkhibani. Mahakna aranchankkhangbagi yaomacha gi ee adugi mapanna makhoibu kanbikhibani. Mahakna Red Sea bu phaona angakpa maongda chingbirakkhi. Mahakna makhoibu numit khuding Manna da pija phithakpikhi, aduga makhoibu nungjaodagi ising puthokkhiduna ising pithakkhi.

Adubu Israel gi machasingnadi matam leiba khibikta murum murum sonduna wakatlammi. Makhoina hairammi, “ eikhoigi mityengda masigi manna natrabagi atei karisu leite. Eikhoina Egypta   lemna nga chakhibasingdubu ningsingli, thabi, tarbuj, tilhou amadi chanam chakhibasingbu eikhoina ningsingli. Madugi waheising aduda makhoina Iswarna khandokpiraba Moses amadi ahallamansinggi maiyokta wakatlammi. Sastrana hai, “ adubu makhoi ayambada Iswarna penkhide, aduna makhoigi hakchangsingbu lamhangda ichai chaina tahankhi.” (1 Corinthians 10:5), madu makhoina murum murum sonba amadi  wakatpagi maramni. Wakatpa amadi murum murum sonba asi Iswargi mityengda mayek sengna tukkachaningaini.

Nahakna kanagumba mi kharabbu karam tourige haina hanglabadi makhoina khudak aduda kapkani. Kanagumba kharanadi Iswargi aphaba nungshiheiba gi maramda asumna      wahang tougani aduga tengthagani, “eina karam tourabage haibasi Mahakna ubiba ngamdrabra? Mahakna eikhoigi haijabada karigi tabidrabano”. Adubu mi kharanadi makhoi kari karamba phibam da leirabasu Iswarda haraogani. Iswarna thambi thambikhiba mapham aduda haraoba ngamgani. Makhoigi yumsing aduda Iswargi loinabiba aduna pik thangani ad uga bor a marang kaigani.

Pakhonchatpa Paulna asumna hairammi, “ eigi karigumba awatpa leiduna eina masi nakhoida haiba na tte, maramdi hibam khudingmakta ei penthokpa tamjare. Eina nangna leibasu heijare, aduga eina marang kaina leibasu haijare, oiru oiruba phibamda amasung hiram khudingmakta , th anbadasu , lambadasu, watta-padabadasu, watpadasu leibagi athuppa eina tamjare.” (Philippians 4:11-12). Madugumba wakhallom leibasing adubu Iswarna nungshijaba mising haina mingthol phanggani.

Nahakna Iswarda haraoba matamda Davidka loinana asumna laothokpa ngamgani, “ eina Jehovahbu matam pumnamakta thagatchagani, mahakpu thagatchaba eigi chinbanda tattana leigani.” (Psalm 34:1).  Iswargi machasing, matam leiba khibikta Iswarbu pelhanlu aduga Iswarda haraojou.

Dhyan tougadaba: “Jehovahda nasamaksu nungaijou, Mahakna nahakki thammoigi pamjabasing pibigani.  ” (Psalm 37:4).