Feb 14 – ANONDO HOA ISOR TE!

Song of Solomon 7:6 “kiman boga aru kiman manoram ase apuni, o morom, apuni laga anondo te!”.

Judi apuni khushi koribo mon jai Isor ke, apuni hodai hi anondit hobo lage aru khushi koribo lage apuni laga mon te, Tai laga maujudgi te. Apuni mahima koribo lage aru seva aru dikhabo lage apuni laga morom Tai ke. Aru Tai apuni ke kobo: “kiman boga aru kiman manoram ase apuni, o morom, apuni laga anondo te!”.

Bishi ase jun ahe Isor laga maujudgi te bakki kene aru gussa hoi kene. Hoilebi judi apuni ahe maujudgi te isor laga ekta hasi thaka chehra loi kene, khushi mon thaki kene, apuni hosa bi pabo khushi kkora Tai laga suku te.

Kilekoile Tai laga dangor morom karone, Isor anishe bacha khan ke Israel laga Egypt laga bondhi bahar te. Tai bachai she tai khan laga jibon ke khun pora memna laga. Tai loi jaishe tai khan ke Lal Samundar pora ekta achurit tarika pora. Tai hodai hi tai khan ke poshan dishe swarg laga khana manna logote reth laga jaga te bi; aru dishe tai khan ke pani pathor pora bi pyas bujhabole.

Hoilebi bacha khan Israel laga hodai hi bakki thake aru shikayat  kori thake. Tai khan koishe: “tate iku nai ami khan agete khali swarg laga khana manna ke chari kene. Ami khan yaad kore maas ke juntu ami khan khaishile muft pora Egypt  te, khira khan, aru kharbuja khan, lasan aru piyas khan”. Inika hobdo khan pora tai khan shikayat kore Moses ke, aru khilaf te Dangor khan laga juntu Isor pora khara korishe. Pobitro kotha te koi: “hoilebi bishi khan logote Isor khushi thakanai” (1 Corinthians 10:5), tai khan laga shiyat thaka atma pora. Shikayat nahoile baki thaka ekta ghin kora laga ase Isor laga suku te.

Jitya apuni hude manu khan ke kinika kori ase tai khan, tai khan achanak kandi bole shuru hoi jai. Kunuba khan sawal kore Isor laga bhal ke aru kandi kene koi: “ki Tai nadikkhe ami kinika paristhiti te ase? Kile Tai ami khan laga prathana ke nahune?”. Hoilebi aru kunuba khan ase jun khan hodai hi khushi thake Isor te aru anondo kore, jinika paristhiti te thakile bi, jote Isor pora rakhi dile bi. Tai khan laga ghor khan bhorta hoi maujudgi te Isor laga, bhorta ashirbad logote.

Chela Paul koi: “kilekoile ami shikhishe jinika paristhiti tea mi thakile bi, sthir thakibole: ami jane kinika adharit thakibole, aru ami jane kinika dhuri thakibole. Sob jaga te aru sob saman khan te ami shikhishe bhorta hobole bi aru bhuk lagibole bi, dhuri thakibole bi aru bhugi bole bi” (Philippians 4:11-12). Isor pora matibo tai khan ke jun khan inika bhabna khan ase Tai laga morom aru Tai laga khushi nishina.

Jitya apuni hodai hi khushi kore Isor te, apuni khan milibo lage raja David logote aru khushi hoi kene ghoshna koribo lage ki: “ami ashirbaad koribo lage Isor ke sob homoi te; Tai laga mahima hodi hi thakibo ami laga mukh te” (psalm 34:1). Isor laga bacha khan hodai hi khushi koribi aru anondo thakibi Isor te.

Aji dhyan koribole laga pobitro kotha tu hoile Psalm 37:4 “anondit hobi nijor ke Isor te bi, aru Tai pora dibo apuni ke icha khan apuni laga mon laga”.