Feb 13 – PRATHANA JUNTU KHUSHI KORE ISOR KE!

Luke 9:29 “jitya Tai prathana korishe, surat Tai laga chehra laga bodli hoishe, aru Tai laga kapra bonishe boga aru jilikishe”.

Itu mohina laga shuru pora, ami khan dhyan kori ase ki pora khushi kore Isor ke. Utu te saishe koile,aji amikhan dhyan koribo Prathana kora te, juntu khushi kore Isor ke.

Pobitro kotha te koi: “jitya Tai prathana korishe, surat Tai laga chehra laga bodli hoishe, aru Tai laga kapra bonishe boga aru jilikishe”(Luke 9:29). “jitya Tai kotha kori thakishe, thakibi ekta ujala thaka badal uporte ahishe Tai khan sob te; aru achanak ekta awaz ulaishe utu badal pora, koi kene, “Itu Ami laga morom laga Lora ase, junte Ami bishi khushi ase. Hunibi tai ke!”(Matthew 17:5).  Dusra ghatna te jitya Baba Pomeshwar koishe “itu Ami laga morom laga Lora ase, junte Ami bishi khushi ase” kotha Jisu laga jitya Tai prathana korishe.

Isor bishi morom kore Tai laga bacha khan ke jun khan prathana kore Tai ke. Khali tai khan laga prathana ke huni thaka nahoi, hoilebi Tai itu prathana laga uttar bi di thake. Prathana pora ane apuni ke usorte Isor laga; aru itu bishi khushi kora laga kotha ase Isor laga suku te.

Bishi kisim laga prathana ase. Kunuba prathana khan sesta kora aru parishram kora ase prakritik hisab te. Kunuba prathana khan viniti kora, anurodh kora aru awedan kora ase. Kunuba alag prathana khan dhanyavad kora laga ase. Ki kisim hoile bi apuni prathana laga, ekta kotha itu ase ki Isor khushi ase itu logote. Pobitro kotha te koi: “Tai prathana koribo isor ke, aru Tai khushi hobo Tai te, tai dikhibo Tai laga chehra ke anondo pora, kilekoile tai aru udhar koribo ekta manu ke tai laga dharmikta te” (Job 33:26).

Jisu Krista ekta prathana kora laga yodha thakishe nijor hi; jinika Pobitro Atma. Isor Jisu Krista ase dahina hath te Baba laga paksh te kotha kori ase. Itu nishina hi, Pobitro Atma bi amikhan laga paksht te viniti kori ase kandi kene juntu ami khan kobole napara laga ase. Aru jitya apuni age ahe prathana koribole Tai nishina, Isor bishi khushi ase apuni te dibo apuni ke tai laga dharmikta ke.

Apuni prathana nakura laga agete, apuni khan monke sapha koribo lage;a ru phelai dibo lage sob paap laga bahbna khan aru prihibi laga icha khan ke. Hobole dibi thik mili kene apuni laga monke Isor logote. Psalms likha khan pora koi: “judi ami loi paap kea mi laga mon te, Isor nahunibo ami ke” (Psalm 66:18). Isor laga bacha khan, judi apuni paap aru napuncha khan ase aru biya khan apuni laga mon te, Isor nahuni bo apuni laga prathana ke. “ hoilebi prathana thik thaka khan laga ase Tai laga khushi” (Proverbs 15:8). bhorta hobo Isor laga khushi te jun pratahana kore Tai ke.

Aji dhyan koribole laga pobitro kotha tu hoile Mark 11:24 “ itu karone, Ami koi apuni ke, ji saman khan apuni mangile bi jitya apuni prathana kore, biswas koribi ki apuni pabo itu ke, aru apuni pabo itu ke.”