Feb 11 – PAAP SWIKAAR JUNTU KHUSHI KORE ISORKE!

Ezra 10:11 “itya itu karone, kobi paap swikaar Isor Pormeshwar ke apuni baba khan laga, aru koribi Tai laga icha ke”.

Pobitro kotha koi ki paap swikaar kora maujudgi te Isor laga ase khushi kora Tai ke. Paap swikaar ase ekta daan ami khan mukh laga aru Isor utsuk ase ki apuni paap swikaar koribo apuni laga mukh logote, hobdo khan juntu Tai ke khushi kore.

Juntu homoi te apuni koi itu hobdo’paap swikaar’ ke, poila kotha juntu ahe apuni laga mon te ase utu paap swikaar. Apuni khan nijor laga monk e taan nakoribo lage aru nalukabo lage apuni laga paap khan ke. Pobitro kotha koi: “tai jun dhakai tai laga paap khan ke kitya bi unnati nakoribo, hoilebi junbi paap swikaar kore aru chari diye itu khan ke tai khan thakibo daya ke”.(Proverbs 28:13).

Ekta hosa laga paap swikaar, mon bhangi kene aru thik atma loi kene, judi apuni paap  swikaar kore mon bikhai diya karone Isor ke apuni laga paap khan logote, Isor hobo khushi utu paap swikaar logote aru daya thaki kene khemai koribo apuni laga paap khan ke. Tai dhale ulai kene Tai laga Calvary laga morom ke apuni te aru apuni sapha hoi. Pobitro kotha koi: “judi ami khan paap swikaar kore, Tai wafadar ase aru nyay kora laga ase khemai koribole ami khan ke ami khan laga paap pora aru sapha koribole ami khan ke sob adharmikta pora. Khun Jisu Krista laga, putro Isor laga saph kore ami khan ke sob paap khan pora.” ( 1 John 1:7,9).

Manu khan Israel laga shadi korishe pagan maiki khan ke aru korishe paap kam ke. Aru ami khan pore Ezra laga kitab te, ki tai khan ghuraishe tai khan laga monk e paap swikaar koribole tai khan laga galti khan nimite aru alag koribole nijor ke tai khan laga pagan maiki khan pora aru bonabole ekta thik niom ke Khushi koribole Isor ke. Jitya apuni paap swikaar kore ekta thik mon loi kene, itu ke dhakabole khuchis nakori kene, Isor pora hatai diye bhar ke apuni laga paap laga; aru itu khushi korai Isor ke.

Ami khan dikkhi pai kunuba manu khan jun khan giri thake gherau te bimar khan laga rog khan laga, jadu laga shikaar boi kene aru thaki kene bhuge dukh ke itu bi najani kene ki kinika nijor ke itu pora ulabo. Chela james koi: “swikaar koribi galti khan ke ekjon dusra jon ke, aru prathana koribi ekjon dusra jon ke, ki apuni changai hobole. Kaam kora laga, thagot thaka prathana ekta dharmik manu laga bishi labh kore” (James 5:16).

Swikaar kora paap khan ke, itu khan ekta tarika nahoi swikaar kora laga. Tate ekta alag tarika bi ase; juntu swikaar kore apuni laga  Biswas ke. Itu ekta anondo te bhorta hua ghoshna ase apuni laga pehchan Krista te. Apuni khan anondo hoi kene ghoshna koribo lage kiman dangor ase ami khan laga Isor, apuni laga dukh aru porikha laga majote bi. Apuni khan taan hoi kene ghoshna koribo lage aru swikaar koribo lage: “Isor ami logote ase aru ami khan bhoi nakoribo”.

Isor laga bacha khan, jitya apuni swikaar kori thake apuni laga biswas ke, apuni laga bhitor manu tagot hobo, aru apuni tagot hobo apuni laga atma te. Apuni agh barhi bo paribo jiti kene pobitrota te. Aru apuni thakibo ekta thik morom Isor laga apuni te.

Aji bhabna koribo laga pobitro kotha tu hoile Proverbs 18:;21 “mora aru jibon ase shakti te ami khan laga jiba te, aru jun khan morom kore itu ke khabo itu laga phal.”