Feb 09 – VISWASERO PHOJEVO

Ehezekiel 37:10 Vundema havaa jaan banchan vunder taangepar hubare jana vo yek moto phojer nai dekhayo.

Apaner Prabhu Yesuna phojer  Adhipathi kana, vu phojen mundag chalayevalo kan nam cha. Hannu phojen mundag chalayevaloj apaner sath chakatho vu kathra naseeb kunika. Yee Prabhur phojer sainyamema massaj sojavon, massaj tharavon, massaj angarer rathamevon, jada ghodevon, vujji jada viswasivur gumputhi bharan racha.

Christhuvaler gumpu kajako yee jegemaj moto gumpu. Kotyanukoti viswasivo sathethi Prabhu Yesuna aradhana karrecha. Vo seji yeker yek bhari palden,yekervasu  yek vinathi karthey, ajji yeker kaandepar yek Yesu Prabhur hacha khabarer bharin palden ajjeken bantacha.

Massaj admi yek jag golavatho vona moto malavo kacha. Lapan yee malayethin moto malavenaj phojer sainyam kacha. Yee phojema massaj thara nistar garistar sharathulevo racha. Yee phojer sainik hacho thayyar vethanu dallema khushithi racha.

Yee phojer Adhipathi viswasivun yek vodi melchandi melocha. Vunden yudha Karajana thayar venchajen yek yeken varusama melacha. Yinder kam Sathaner rajyamen haal karnaken Dever rajyamen bhandero.

Geeder grandh 144:1 vachanema Mar hathena yudhena, mar anglina ladayi karena seekvadi dajako Mar bhata Yehovana stuthi veda. Katho Dever beptavo vu Prabhu Yesuro namema katha taang malachko votha jayam malacha. Kassen katho Yisraeleval Aigupthema vethe jana Pharor dall dhakethi bharagi. Vunden Dev aranyamema chalayo jana vo taang melejetha seji haaran dagarge.

Ajji jada dhyan Karen pado Ehezekiel 37:14