Feb 05 – THAJABAGI NONGGAR !

“Iswarda thajou aduga eibusu thajou. ” (John 14:1).

Awaba langtaknabana lumthahankhraba taibang asida mi amabu ingthana leihanba ngamba adudi Iswardagi lakpa thajaba asini. Thajaba leiba mising aduna taibangda kari thoklabasu makhoina Iswarda chetna leigani. Makhoina makhoigi awaba langtaknaba khudingmaktu Iswarda langsingani. Aduga Iswarda potthagani. (1 Peter 5:7, Psalm 55:22).

Thajaba asigi maramda eikhoina sastragi manungda mayam uba phanggani. Thajaba asi  Christagi paotak marakta yamna maru oiba amani. (Hebrews 6:1). Thajaba asi thawaigi lanphamda chunggoi oiribani. (Ephesian 6:16), thajaba asi  thawaigi khudolni(1 Corinthians 12:9), thajaba asi Thawaigi maheini. (Galatians 5:22-23).

Hebrews 6:19 asida uba gi matung inna Thajaba asi thawaigi damakta achetpa nonggarni. Samudragi iraokhon mathakta hi adu chetna lengdana leihange hairabadi masigi nonggar asina achouba thoudang loubani. Maduga chap manana  punshigi awaba kaya thengnarabasu nahakna nahakki thajabagi nonggar asi sijinnou. Aduga Prabhuda chetna nap chou.

Wasakpiba adu chetna paiduna nahakki thajaba adu haidok u, “maram asigi damak eina awabasing asi khanglibani, adumakpu ei ikaijade, maramdi eina thajariba mahakpu eina khangi, aduga eina mangonda sinnakhraba adu mahaknasu numit adu phaoba ngakpiba ngammi haiba tasengna khangi.” (2 Timothy 1:12)

Ningthou Davidna asumna haikhi, “ eina Jehovahgi aphaba yengjagani haiba eina thajei ahingbasinggi lamdamda. ( Psalms 27: 13) aduna mahakna thajabagi mapanna haijaduna asumna hairammi, “ O Prabhu Iswar, eigi mit asina nahakpu yengjaduna leiri.

Iswarda napchaduna leiyu aduga mahakna nahakki sennabiba mapu oibana maram oiraga nahak karisu watpa leiroi haibasi thajabiyu.   Nahakna Prabhu bu chetna thajaduna nahakki awaba kaya leirabasu pukning sonthadrabadi mahakna nahakki damakta thabak toubirakkani. Aduga mahakna nahakki thawai hakchanggi damakta ingthaba potthaba pibigani.

Mosesna Israel machasingbu Egyptki bondidagi ningkha tamhanduna Red Sea tanna chinbirakkhi. Khanghoudana makhoina Pharaoh amadi mahakki lanmisingbu uba phanglammi. Madugumlaba khudongthiba aduda makhoina karamna kanbiba phanggani haina toupham khanglamdre.makhoigi mangda Red Sea leire, aduga makhoigi akoibada ching mayamna koisinkhirammi.  Aduga makhoigi tungda Pharaohgi lanmi mayam leire.  Aduga makhoi kiduna leire.

Madugi phibamda Mosesna makhoibu thougattuna asumna hairammi, “ Jehovahna nakhoigi damak soknabigani amasung nakhoi tuminna leiyu.” (Exodus 14:14).  Mosesna haibagumna Israel machaisngna Red Sea adu phaoduna leikangda chatlammi. Adubu Prabhuna Pharaoh amadi mahaki lanmisingbu isinggi manungda tumna manghankhre. Iswargi machasing, chap manana Iswar aduna nahakpusu lan ngamba punshi adusu pibigani.

Dhyan tougadaba: “kari amata langtaknaganu, nonjaba amasung thagatchabaga loinana nakhoigi nijaba adu  Iswarda khanghallu.” (Philippians 4:6).