Feb 05 – JIBON JUNTU KHUSHI KORE ISORKE!

Lezekiel 18:23 “ki ami iku bi khushi ase iku te bi ki biya khan muribo lage?” koi Prabhu Isor, “aru nahoi tai ghuribo sob tai laga rasta khan pora aru jiyabi?”

Isor prabhu  hude judi itu diye Tai ke iku khushi ki biya khan moribo lage. Itu kotha ‘mora’ ekta bhag ase, juntu koi gau laga mora ke nahoi atma laga.

Jitya ekta manu paap kore, atma tai te shuru hoi. Itu karone kile Pobitro Kotha te koi: “kilekoile hajira paap laga mora ase, hoilebi uphar Isor laga hodai din karone ase Krista Jisu tea mi khan Isor” (Romans 6:23). Pobitro kotha te koi: “atma jun paap kore moribo (Ezekiel 18:20).

Ekta manu jun laga atma more paap karone, jai agete dusra mora te – pani jui laga aru gorom pathor te ; juntu hodai din laga dukh ase. Kilekoile tai laga atma more aru tate iku rasta nai mukti laga, itu jai narak  te. Itu karone kilekoile Isor hude judi itu pora anibo khushi sabole biya ke mora.

Isor morom kore pura manav jati laga daur ke, kilekoile Tai pora nirmaan korishe manu ke tai laga nijor chavi aru adot nishina. Tai diye gau  ke jaan aru pothai prithibi te. Tai itu ke pura korishe Kruste, sob juntu Tai koribo lage makti pabole pura manu jati ke.

Itu mukti diya uddesh nimite hi ami khan laga atma nimite ki Isor looishe roop manu jati laga. Itu karon ase, ki Tai jiti bo parishe Satan  te: rajkumar mora laga kruste, aru dishe ami khan ke hodai din laga jibon ke.

Ami khan Isor Jisu koishe: “chor manu ane nahe hoilebi khali chor koribole aru  morabole, aru khotom koribole. Ami ahishe ki tai khan jibon thakibole aru ki tai khan thakibole bhorta pora” (John 10:10).

Purana niom te, jitya Israelites khan paap  korishe aru kotha koishe Isor laga khilaf te, Tai pothaishe gussa bishi thaka saap khan tai khan laga majete. Aru tai khan marishe manu khan ke aru bishi manu khan Israel laga morishe bikhai kene. Manu khan moses logote ahi kene koishe: “ami khan paap korishe, kilekoile ami khan koishe khilaf te Isor laga aru  khilaf te apuni laga. Prathana koribi Isor ke ki Tai loi lobule saap kea mi khan maje pora” jitya moses prathana korsihe manu khan karone , Isor pora koishe moses ke bonabole ekta gussa thaka saap ke lagai dibole lathi te. Aru ki itu pora kunke kate, jitya itu ke sabo itu jiyai jabo. Aru jun khan ke kate, jitya tai khan sai itu ke biswas pora jiyai jai ( Numbers 21:8-9). Utu pital laga saap purana niom te ase ekta parchaya Krista Jisu laga Notun Niom te.

Isor laga bacha khan, judi apuni lage bachibole mora pora apuni laga atma ke, tini hoile apuni sabo lage Isor Jisu Krista ke jun dishe Tai laga jibon ke Kruste, aru apuni jiyai jabo.

Aji bhabna koribole laga pobitro kotha tu hoile 1 John 4:9 “itu te morom Isor laga dikhabo parishe ami khan phine, ki Isor pora ppothaishe Tai laga ekta Putro prithibi te, ki ami khan jiyabo Tai pora”.