Feb 04 – THAJABAGI PANGGAL

Khudamsing asi thājaba misingga loinagani: makhoina eigi mingda bhutsing tānthokkani; aduga makhoina anouba lonsing ngānggani; Mārk 16:17

Thajaba haibasi haijabagi panggalni. Thajaba haibasi eikhoina Iswarda thamjariba thajaba adu phongdokpani. Thajaba haibasi eikhoina Iswarda ngajaduna leiri haibagi wakhallon ni. Aduga eikhoigi darkar oiba hiram khudingnakta Iswarda ngaijaba aduni. Eikhoina thajabagi mapanna bhutsing tanthokpani. Atoppa waheida hairabadi eikhoina Prabhu Jesuda thajaba thambagi mapanna amambagi panggalsing adu gi mathakta lan ngamba oibani.

Prabhu Jesuda yengbiyu. Mahak panggal leibani amadi matik leiba Iswarni. Mahakna phattaba thawaisinggi amadi bhutsinggi mathakta matik leibani. Sastrana haikhibagi matung inna phattaba satangi thabaksing asi manghannaba Iswargi machanipana taibangda lakpani. (1 John 3:8).

Mahakki ministry apumbada yengbiyu,mahakna phattaba thawai tanthoktuna sengdaba thawaina otpiduna punbasingbu mahakna ningkha tamhanbikhi. Naha oiba nipa phattaba thawai kayana pullamba mahak adusu ningkha tamganbiduna mahak wakhal rana leiduna maphi maron setchinduna Prabhu Jesugi nakta phamlammi.

Eikhoina phattaba thawaibu thingba matamda Prabhu Jesugi mingda amadi panggalgi mapanna tougadabani. Eikhoigi panggalgi mapanna touroigadabani.

Pakhonchatpa Paulna asumna irammi, Nasā khudum challu, miseng khāng’u, maramdi nakhoigi yeknaba Diyābolna ngangliba nongsāgumna kanāgumbabu yotsinnaba thiduna koina chatli; tāibangpānda leiba nakhoigi nachin nanāosingna asigumba awāba khāngli hāiba nakhoina khangduna thājabada chetna leptuna diyābolbu thing’u. 1 Pitar 5:8-9. Masina takpadi thajaba leire haina mapung phaba nate, adubu eikhoigi thajaba aduda chetna lepkadabani.

Kanagumba mi kharana phattaba thawai tanthokpa thabak touraga maipakraba matamda makhoina pukning hanthaduna thajadaba wakhallon pok halli. Madugumlaba bhutsing adu makhoigi hotnabada chatthokloi haina wakhal touba hourakkani. Aduga makhoina Iswargi manai ahan oikhrabasinggi mateng thiba hougani. Masigi wakhallon asi chumdabani. Kana oirabasu Prabhu Jesugi mingda akanba thajaba thamliba mi adugu waheida bhutsing na chengani.

Masigi thajaba asida eikhoina karamna chetna paiba ngamgani? Roman 10:17 na asumna hai, thajaba asi tabagi mapanna lak i, aduga taba asidi Iswargi waheidagi lakpani. Nahakna nahakki punshida Iswargi wasakpi ba sing adu thabak oina touthokpa adugi changda nahakki thajaba adusu akanba oigani.

Prabhu na wasakpi duna asumna hai, Yeng’u, eina nakhoida linsing amasung brischiksing netnaba amasung yeknabasinggi matik pumnamakpu ngamnaba pānggal pibire; kari amatana nakhoibu sok’halloi.Luk 10:19.

Nahākna nongsā amasung khārougi mathakta nettuna chatkani; Kāngdong phāraba nongsā amasung lin nahākna khongnetnagani. Thāgat Isei 91:13 Nahakki punshi da masigi wasakpibasing asi chetna paiyu.

*Dhyan tougadaba: “ Mahākna nahākpu mahākki matusingna kupsin’gani, Mahākki masāsinggi makhāda nahākna changjagani. Mahākki achumbana nahākki chung amasung chunggoi oigani. Thāgat Isei 91:4*​