Feb 04 – DAAN JUNTU KHUSHI KORE ISOR KE!

Psalm 51:19 “titya Apuni khushi hobo daan khan logote dharmikta laga, jolai diya laga daan khan aru pura jola daan; titya tai khan daan koribo mota goru Apuni laga dhip te”.

Duita manu jaishe uporte prathana koribole mondirte, ekta Pharisee aru dusra tu tax utha manu. Pharisee gaurav korishe tai nijor laga dharmikta te aru prathana korishe lamba hisab te. Hoilebi tax uthai diya manu durte khara kori kene, iman bi nauthai kene tai laga suku ke swarg phine, hoilebi mari keen tai laga sin ate, koi, “Isor, daya koribi ami ke ekta papi!”(Luke 18:10-13).

Isor tu khushi panai ‘baal kaam’ logote utu Pharisee laga. Tai laga suku te, utu tax uthai diya manu jaishe nijor ke nyaysangat kori kene – jun dishe ulai kene tai laga prathana ke khuli kene. Jitya apuni diye anugrah Isor laga kaam koribole apuni te, ekta khula aru norom mon apuni te nirmaan hoi.

Itu taan monk e bodli hobole,a ru khula aru norom mon pabole apuni dibo lage nijor ke daan hisab te, apuni bhangi thaka homoi te. Pobitro kotha te koi ami khan ke tinta rasta pabole itu ke.

Poila, Iosr laga kotha pora. Ami khan pore pobitro kotha te ki jitya chela Peter bhorta hoi chuni loa logote Pobitro Atma pora aru koi Isor laga kotha ke, manu jun khan huni thakishe kati jaishe mon pora hi (Acts 2:37). Isor laga kotha tu ekta martol nishina ase juntu bhangai pathor ke chutu te aru bhangabo pathor thaka monk e. pobitro kotha te koi: “kilekoile Isor laga kotha ase jinda aru shakti thaka, aru dhar bishi dui phine dhar thaka tarwal pora bi, phutai kene mon aru atma te bi, aru jor  khan,a ru ase buja bhabna khan laga aru icha khan mon laga” (Hebrews 4:12).

Dusra, Pobitro Atma ane bhanga aru norom mon apuni te.pobitro kotha te koi: “tini ami dibo taikhan ke ekta mon,a ru ami dhalibo ekta notun atma tai khan te,a ru lobo pathor nishina monk e ulai kene tai khan laga gau pora aru dibo tai khan ke mon gau laga”(Ezekiel 11:19). Jitya apuni diye Pobitro Atma ke prathan koribole aru loi lobule apuni te, kandi kene, titya apuni ked hake Isor laga maujudgi pora. Aru maujudgi Isor laga juntu golai diye phar ke mom nishina, piglai dibo apuni laga tan aru pathor monk e (Psalm 97:5).

Tisra, porikha aru dukh khan bhangabo apuni laga mon aru atma ke. Jitya apuni sai jibon ke Hannah ke, tai bishi dukh te thakishe bacha nathaka laga. Itu te milai kene, tai laga dushman bi uksai tai ke biya pora aru tai ke dukhi korai diye, juntu tai laga mon bhangai diye.

Toh, Hannah  mon te dukh thakishe, ulai kene tai laga monk e maujudgi te Isor laga (1 Samuel 1:15). Aru inika prathana pora, tai paishe anugrdah Iosr laga suku te.  Isor aru ashirbaad korishe tai ke bhorta pora aru dishe tai ke avsar dishe ama hobole dangor nabi Samuel  laga.

Aji bhabna koribole laga pobitro kotha tu hoile Amos 4:5 “dibi ekta daan dhanyabad laga khamir logote, kobi aru dibi khula icha  daan laga; kilekoile apuni karone itu morom, apuni laga bacha khan Israel laga! Koi Isor Prabhu”