Feb 03 – SHIKHABI AMI KHAN KE KORIBOLE APUNI LAGA ICHA KE!

Psalm 143:10 “shikhabi ami ke koribole Apuni laga icha ke, kilekoile Apuni ase ami laga Isor; Apuni laga Atma ase bhal. Loi jabi ami ke matite sidha thaka laga”.

Apuni sabo lage Isor ke aru prathana koribo lage: “shikhabi ami ke koribole Apuni laga icha ke’, aru Tai khushi hobo loi jabole apuni ke sidha te. Tai hodai hi rakhibo apuni ke Tai laga suku te aru dibo apuni ke sikhai diya kotha kinika kkhushi koribo Tai ke.

Ekbaar ekta biswasi jaishe tai laga sathi laga gjorte cycle te. Jitya tai khushi paishe tai khan laga athitya pora, tai khan shuru korishe gussa koribole aru biya kobole bishi naukar khan laga Isor laga aru Isor laga pondit khan laga Pobitro kotha te. Biswasi mehsus korishe Isor pora tai laga monke loi ja ke, uthibole aru jabole utu jaga pora. Hoilebi tai rukhi thakishe, kilekoile tai bhabna korishe judi tai inika korishe utu porivaar tai ke biya paile. Tai olop pichete chari kene jai. Hoilebi jitya tai bhar  ulai, ttai dikhe ki dynamo tai laga cycle laga chor hoikene. Tai hude Isor ke kile inika hobo lage tai logote. Aru Isor pora tai ke mon te koi: “inika hobole thakanai judi apuni ulai jaile utu ghor pora, jinika ami koishile. Aru apuni deri aru korile apuni laga cycle bi chor hobo”. Utu biswasi kitya bi napahore itu kimti sabak tai laga pura jibon te; aru tai kitya bi narukhe utu jag ate jote Iosr ke khushi nakore.

Itu ekta chutu ghatna hoilebi, Isor pora shikhaishe ekta dangor atmakarik sabak utu biswasi pora. Itu karone Raja David prathana kore Isor ke, shikhabole taike Iosr laga icha ke. Jun khan bhabna kori loi khushi koribole Isor ke aru Tai ke ekla, bisari pabo Isor laga icha ke tai khan laga jibon te, manibo iosr laga adesh ke aru bonabo sob kuchis koribole hisab te icha aru khushi te Isor laga.

Isor laga bacha khan, ji bi apuni korile, sabi itu ke inika hudi kene: judi itu khushi kore Iosr ke? Ki itu pora anibo khushi Iosr ke? Ki isor jabo ami logote utu jag ate jote ami bhabna korishe jabole? Ki Tai kkhushi hobo hunibole kotha khan ke jun ami hune? Homoi homoi te aru hodai hi aru prathana te hudibi Iosr ke shikhabole apuni ke Tai laga icha.

Aji bhabna koribole laga pobitro kotha tu hoile Job 33:26 “tai prathana koribo Iosr ke, aru Tai khushi hobo tai te, Tai sabo tai laga chehra khushi pora, kilekoile Tai pora aru diye manu ke Tai laga dhrmikta ke’.