Feb 02 – KORIBI JI KHUSHI KORE ISOR KE!

Psalm 103:21 “ashirbaad koribi Isor ke, sob apuni khan Tai laga duth khan, apuni mantri khan Tai laga, jun kore Tai laga khushi khan.”

Jitya apuni sai jibon ke David laga, itu thakishe jibon khushi kora Isor ke. David laga jibon ke sai kene Isor bi gawahi diye itu koi kene: “tai ekta manu ase piche kora Ami laga nijie mon laga”. Itu karone thakibole inika dangor gawahi isor pora ase kilekoile david tai laga biswas logote khushi kore Isor ke. Aru jun khan biswas kore kitya bi piche nasai aru rakhe tai khan laga suku ke juntu agete ase; aru sonman kore Isor ke.

Jitya david saishe goliath ke; tai sanai tai laga hathyar khan ke, nahoilebi tai laga bhoi kora roop ke; nahoilebi tai laga ucha kadh aru ujon ke. Tai iku bhabna bi koranai dhomki khan te philistine khan laga. Hoilebi tai khali bhabna korishe tagot aru shakti ke aru mahanta Isor laga.

Titya David sonman korishe Isor laga naam ke aru koishe philistine khan ke, “apuni ahishe ami usorte ekta talwar loi kene, ekta jathi loi kene. Hoilebi ami ahishe apuni usorte duth khan laga Isor naam te, isor Israel laga sipahi khanlaga, junke apuni moila kori dishe.(1 Samuel 17:45). Aru morai dishe utu daitya ke. Inika hi David pora dikhaishe tai laga morom aru sonman Isor karone.

Jitya apuni sai jibon ke Isor Jisu Krista laga; apuni sai ki Tai bi chunilloa laga manu thakishe juntu khan tai mane, aru hodai hi sonman kore Baba Isor ke. Jitya khara kori kene lazarus laga mora jag ate, mary bishi chinta kori thakishe durgandha thaka nimite, hoilebi Jisu itu laga bhabna koranai. Nahoilebi Tai bhabna koranai itu kotha te ki itya char din hoishe lazarus mori kene. Tai khali bhabna korishe Baba Isor laga, jun hodai hi icha kori thakishe hunibole Tai ke. Itu karone, jitya Taiuthaishe Tai laga suku ke aru dhonyabad korishe Baba ke, Tai laga biswas ke sonman korishe aru lazarus wapas ahishe jibon te.

Ami khan sai jabo pare bishi inika hi udharan khan pobitro kotha pora. Jitya apuni sai jibon ke job laga, itu bhorta thakishe dukh aru porikha khan pora. Tai koi: “sabi, ami age jai, hoilebi Tai nai tate, aru piche bi, hoilebi ami napare pabole Tai ke; hooilebi Tai jane rasta juntu ami loi; jitya Tai ami laga porikha loishe, ami ulai ahibo ekta sona nishina” (Job 23:8,10). Job Koranai chinta tai laga gau laga dukh khan ke. Hoilebi saishe agete biswas pora aru koishe ki tai ahibo ekta sona nishina. Tai mon dangor kori kene koi tai laga biswas ke, koi kene ‘kilekoile ami jane ki ami ke bachai diya jiyai ase’, aru sonman kore naam Isor laga.

Isor laga bacha khan bishi homoi te Isor pora loi jabo apuni ke dukh aru porikha khan pora. Itu khali ekta karon ase apuni ke nirmaan kora laga, ki sobse uncha podh laga biswas, jinika sona nishina. Jitya apuni dhuri thake Isor laga biswas ke, Isor hosabi apuni te khushi hobo.

Ajia bhabnakoribole laga pobitro kotha tu hoile Isaiah 62:4 “apuni ke aru nakobo phelai dishe koi kene, nahoilebi apuni laga mati ke nakobo aru khali koi kene; hoilebi apuni ke matibo Hephzibah koi kene, aru apuni laga mati ke Beulah; kilekoile Isor khushi kore apuni te, aru apuni laga mati te shadi hobo.