Feb 01 – JUNTU ISOR KE KHUSHI KORE!

Psalm 40:8 “ami anondo pai koribole Apuni laga icha, O ami laga Isor, Apuni laga niom ami laga mon te ase.”

Apuni laga poila icha jibon te thaka tu hobo lage Isor ke khkushi kora. Judi inika icha nai apuni te, apuni khali loi jai thaka ase ekta naam laga Christian  koi kene.

Ahibi ekta udharan sabo, mota  ekta porivaar laga. Judi tai icha nakore tai maiki ke khushi rakhibole, tini hoile tai uthibo phujir te, koribo tai laga kaam khan ke, aru khao tai laga khana aru jabo kaam  te aru wapas ahibo. Aru tai laga jibon tu inika machine nishina hi thakibo.

Hoilebi ekta mota jun icha kore tai laga maiki ke khushi koribole, icha koribo kobole miktha kotha khan maiki ke, sabo agete ahibole wapas ghorte kaam pora kiman joldi pare nahoile anibo mithai khan nahoile phul khan maiki karone. Itu morom thaka mota pora prashansha aru utsah korio tai laga khana bona te, aru jabo bahar te ani berai kene ahibole.

Poila saman juntu raja david hudishile Isor ke utu thakishe Tai laga icha koribole. Itu ase morom isor laga hi juntu ane inika icha manu khan uporte. Itu morom ase calvary laga juntu diye inika icha. Khali jitya apuni thake inika icha, tinihoile hi apuni bisari lobo rasta khushi koribole Isor ke. Aru jitya apuni faisla loio apuni laga mon te Tai ke khushi koribole, isor pora apuni ke matibo, ‘ami laga morom, ami laga thik wala, thik sundorta te’. Aru inika morom thaka kotha pora apuni ke bhorta koribo anondo poraa.

Sobse uncha darja laga Christian khan anubhav kore juntu khushi kore Isor te aru isor laga morom apuni karone. Khali jitya apuni inika jibon thake, apuni swadh janibo paribo mitha thaka tu sob bakyo te Isor laga pobitro kotha laga. Sob kotha Isor laga bhal hobo swadh te aru mitha shehed pora bi. Itu pra hi apuni uthai dibo poribole utsukta te pobitro kotha ke.

Pobitro kotha te koi: “hoilebi tai laga anondo ase niom t e isor laga, aru Tai laga niom te tai bhabna kore din aru rati (psalm 1:2). Raja david, jun laga icha thakishe Isor ke khkushi kora koi: “bonabi ami ke berabole rasta te Apuni laga adesh khan te, kilekoile ami anondo pai itu te” (psalm 119:35).

Jitya apuni anondo pai isor ke kkhushi kora te, itu alag anondh hobo apuni karoen mili kene thakibole Iosr laga bacha khan logote girja te. Itu pora ujala koribo apuni laga mon ke seva koribole isor ke atma aru hosa te, isor laga bcah khan logote. Isor laga kotha koi kene aru gawahi di kene Tai laga achurit kaam khanlaga, anibo apuni ke dangor anondh. Isor laga abacha khan, judi apuni morom kore Isor ke aru anondoo kore Tai te, tinihoile Tai laga morom hodai hi apuni uporte thakibo.

Aji bhabna koribole laga pobitro ktoha tu hoile Psalm 19:14 “hobole dibi kotha khan ami mukh laga aru bhabna khan ami mon laga manoni Apuni laga suku te, o Isor, ami laga tagot aru ami laga rakshak.”