Feb 01 – ISWAR PENHANBA POT!

O eigi Iswar, eina nahakki aningba adu touba pamjei,O eigi Iswar, eigi thamoida Ibungogi yathang leiri.” (Psalm 40:8).

Nahakki punshida khwaidagi maru oina pamjagadaba adu Iswar penhanba adu oigadabani. Madugi apamba adu nahakki punshida leitrabadi nahak icham chamba maming tagi  Chrsitian oigani.

Imung amagi manungda mapuroiba haibasi khudam oina lousi. Mahakna mahakki nupibu penhanbagi apamba leitrabadi, mahakna ayukta hougatkani,mahakki thabak makhei tounaba koichat chatkani,mahakki chinjak chagani,aduga mahakki thabak suphamda chatkani aduga yum hallakkani. Aduga mahakki punshi adu yaman migi khangbidaba ama oigani.

Adubu mahakki nupi bu penhanningba mapuroiba aduna mahakki nupiga nungshi nungshiba wari watai sabigani,aduga mahakki thabak suphamdagi athuba makhei lakninggani aduga mahakki nupigi damakta karigumba khudol amatang puraktuna pininggani. Mahakki nupina thongliba chinjak adu hao-I haina  thagatpigani aduga mahakki nupiga nungaina walking gumba su chatninggani.

Ningthou DAvidna Iswarda khwaidagi ahanbada hanglamba adu mahakki aningba touba asini. Kanagumba mi amana Iswarbu nungshirakpada madugi apamba adu mangonda leirakkani. Madugi apamba houdokpadu Calvarygi nungshibani . madugumba apamba adu nangonda leirabada nahakna Iswar penhanbagi apamba adu lakkani. Nahakna Iswar bu pehanningbagi apambaga loinana warep lourabadi, Iswarna nahakpu asumna koubigani, “eigi achanba, eigi nungshiba, eigi changkhonba ningthijaba”. Aduga madugi thoujalgi wahei sing aduna nahakpu  haraohangani.

Christiangi punshi asida khwaidagi awangba thakki punshi adu nahakna Iswarbu nungshijaba amadi Iswarnasu nahakpusu nungsijaba aduni. madugi punshi nahakna hingbada Iswargi waheidagi nahakna thumlaba mahao adu tangjagani. Iswargi wahei khudingmak adu nahakki damakta yamna athumba khoihigumba oirakkani. Maduna Iswargi waheibu yaman pamjana pabadu oihangani.

Sastrana hai, “aduga Iswargi wahei asi mahakna yamna pamjei, aduga mahakna madu ahing nungthil dhyan touninglamgani.” (Psalm 1:2).  Iswarbu penhanningba ningthou DAvidna asumna hairammi, “nahakki yathanggi lambisingda chathanbiyu, maramdi eina maduda nungaijei.” (Psalm 119:35).

Nahakna Iswarbu penhanba asi nahakki apamba oirakpada nahakna Churchta Iswargi misingga amata oina punninggani. Iswargi machasingga loinana Iswarbu achumba amadi thawaida khurumba adu harao haraona ngamhangani. Iswargi maramda wari saba, amadi sakhi piba asina eikhoigi punshida haraohangani. Iswargi machasing, nahakna Iswarbu nungshiraga mangonda haraorabadi, nahakki nathakta mahakki nungshiba adu lengdana leigani.

Dhyan tougadaba: “eigi chindagi thoklakpa wasing amasung ipukninggi khanjaba asi nahakki mangda lousinba yaba oisanu, he Jehovah, eigi nungjao amasung eibu handokpiba mapu.” (Psalm 19:14)