JULY 10 – Iku bhal te komti nohobo!

Psalms 34:10 Bagh janwar laga bacha khan bi khabole napai kene bhuka thake,hoilebi jun Jehovah ke bisare taikhan hodai din bhal khan pai kene thakibo.

Isor laga bacha khan, iku te bi napungcha nohobo jitya Jisu Krista, jun hi bhal khan kure tai khan logote thakibo. Psalms likha khan koi, “iku te bi komti nohobo” bagh aru tai laga bacha khan loi kene dikhai. Khali ekta hi bhal ki ase koile bagh bacha khan tu khana lage. Bagh ama aru baba jitya khana loi kene ahe, bacha khan tu kiman khushi para khai.

Bagh tu hoile jongol laga raja ase  aru iku tte kom nohoi. Kun janwar bi tai logote lorai kuri kene jiti bo naparibo. Tai tu bishi tagot aru hodai hi jite. Hoilebi kityaba tu jongol laga raja bi tai laga bacha khan ke bhat bisari kene dibo napare.

Ami khan laga Jisu Kriista ke sabi, tai bi ekta bagh nishina ase. Tai tu Judah laga raja ase.tai hi ase tai laga bacha khan laga bhal kura toh. Jun taike bisaaribo tai tu hoile iku te bi komti nohobo.

Ekta chokra laga baba tu kam napai kene dukh pai thakishe Chennai te. Tai tu rasta te berai thaka homoite kandi kene prathana kurishe, “kiman gentiles khan bi khushi ase itu city te kam pai kene. Kun manu khan apuni ke najane tai khan bi bhal post  te kam pai kene ase. Kile apuni toh ami ke bhal  kam nidiye? Aru ami ke uthai nidiye? Utu homoi te Isor para tai ke (Psalms 34:10) tu yaad dilai dishe.

Kun manu iku te bi komti nohobo? Itu likhi kene ase ki kun manu Isor ke bisaribo tai tu iku te bi komti nohobo. Toh itu man utu Isor ke mlon di kene bisarishe prathana aru upwas kuri kene. Isor tai laga prathana hunishe aru taike ashirbaad kurishe bhal kam di kene. Itu man utu tailaga bhabna uporte ashirbaad hoishe.

Ki apuni toh apuni laga mon di kene isor ke bisaribo? Apuni tu Isor laga rajyo aru hosake bisaribo? Apuni tu utsah ase na nai tai laga ujala chehra tu sabole aru tai laga awaz tu hunibole. Isor para apuni ke kosom dishe, Zechariah 9:12 te aji bi ami apuni ke koi ase ki apuni harai diya para dui guna apuni ke dibo.

Ami khan laga Isor tu tai ase jun ami khan ke bhal kuri diye. Jitya apuni Isor laga bhal ke bhabna kuribo khali prithibi laga bhal ke bhabna nakuribi. Sobse bhal tu ami khan hodai din karone atma te zinda thaka aru pap para mukti paa hi ase. Aru itu nishina hi pobitro atma paa bi bhal kotha hi ase.

Aji bhabna kkuribole laga pobitro kotha tu hoile, Matthew 7:11 kiman bi bhal apuni laga baba Jehova jun hi swarhg te thakea tai toh apuni ke bhal khan dibo mangile.