July 06 – Prabhubhakta David laga!

1 Samuel 26:23 junkhan hosate thakiase  aru biswasi hoikene thaki ase Jehovah taikhan ke inam di thake. Aji tai apuni amilaga  hatha te di di se hoilebi ami apunike, junke Jehovah bisari kene raja banaise, taike eku bi jokhom koria nai. David tu prabhu bhakta thakishe aru isor laga kotha manishe. Kitya bi hath age te nakuribi isor para chuni lua khan uporte. Saul tu raja chunishe isor para. Hoilebi isor para taike saanai isor laga kotha namana para. Isor para itu karone tai laga rajyo tu chini kena David ke dishe. Hoilebi David tu Saul karone mon izzat di thakishe.

Hoilebi Saul para David ke maribole khedaishe. Divid jiman lukaile bi Saul para taike bisari thakishe. Hoilebi  ekdin toh David para hi Saul ke dikhi paishe tai ekla ghumai thaka homoi te. Tai ini eku Nakuri kena hi jathi aru pani laga jar tu hi loi kena jai jaishe. Maribo parile bi maranai jitya Abishai tai ke maribole koishe 1Samuel 26:9 te David taike koise, “apuni taike olopbi jokhom koribole nalage! Jehovah junke bisari kene raja banaishe utu rajake junbi jokhom koribo jehova taike sajai dibo.

David laga prabhubhakta tu isor dikhi kene isor para taike ashirbad dishe. David toh hodai din uthi jaishe. Aru isor laga homoite tai tu Saul laga rajyo bi paishe.

Kiman bi ashirbad hobo na ami khan bi jitya David nisina prabhubhakta hoile. Kitya bi apuni Khan laga hath isor para chuni lua khan uporte nidibi. Romans 8:33 isor Jun manu Khan ke bisari loise tai Khan ke kun bodnam dibole paribo? Isor nije hi taikhan laga ekubi galti nai koi kena koise!

Jun khan tai Khan laga morom tu isor ke dibo tai Khan tu Isor chuni loa Khan uporte kityabi galti nabisaribo. Tai Khan tu hodai din chuni loa Khan laga bhal hi dikhi pabo aru kiba galti dikhi pale bi tai Khan nimite prathana hi kuribo. Kiman bi bhal thakishe David tu aru Saul ke izat kura tu.

1 King 3:6 Solomon koise, “apuni hodai amilaga baba davidke, Jun apuni laga noukar ase, taike morom kori ase aru tai apuni logote  bhal hoikene thakishe, apuni laga kotha Khan mon dikene mani kene thakishe aru apuni laga hosa laga rasta te thakishe. Aru apunilaga hosa laga rastate thakishe. Aru apuni taike ekta chokora dise, Jun tailaga jagate itu deshke chiolaishe; ineka pora apuni taike apunilaga kityabi khotom nahobole laga morom dikhai dise.

Oh isor laga bacha Khan, hodai din isor laga rasta te thakibi, isor ke khushi kuribi aru isor kotha manibi. Manu laga uporte galti nabisaribo hoilebi galti dikhile tai Khan nimite prathana kuribi.

Aji bahabna kuribo laga pobitro kotha tu hoile Psalms 31:23 Jehovah laga sob biswasi manu Khan taike bhal lagibi. Kilekoile biswasi manu Khan ke Jehovah bachai thake, hoilebi phutani koria manu Khan kinika sajai tai Khan ke inika hi di thake.