June 23 – Er galam a Sanosoberanji!

“Nami saring Hen d’ong-ben tabme beranji opungtai, bar janang abmangan er galam a sanosoberanji, Hen d’ong-ben gadlamtai” (Jisaya 48:6).

Yangam bo mandra galamte enrang opungenji amang? Kitungan anabpugie sikoija amben galamle a raptie. Kuddub taniyiman batte, Kitungan d’ongben giyte do gamte, “Nami saring Hen d’ong-ben tabme beranji opungtai, bar janang abmangan er galam a sanosoberanji”.

A purba dennalingan, a sanosoberanji Kitungan tumadgiymarnji batte apugiete. Bo garalambir, Jisun Kristun a karukudan janang Jisaya tumadgiymaran batte panunge dele, Ayegan a mandra ateng mihnum mehegle. Bibolan gamte Anin erad pungilabe ejaja adlume a sanosoberanji a tumadgiy maranji batte.

Kitungan, Anin a sanosoberanji abpungiete a susunalingan tumadgiy maranji batte kun ambrij nami Jisun Kristun batte. Yang a manoi’han Kitungan amben apsele abpungiben mandrengnaben!

Tanahimdam Kitungan a onagji, amben Kitungan anosaid saiban ateden amben birindabenji kitunglinagan dakuteji. Anin d’ongben anopungben tem po, “Aman mangba-Hen garbera, etteden Hen d’ong-nam jalangtam, bar aman aggalamen a surda do jaru beran Hen d’ong-nam gadlamtai” (Jirimiya 33:3)?

Amben ayereten do adaku a birna agalamte. Bindo Kitungan ayirtahen a birna galamte. Anin jajinten a lumben dete opungtaben. Kitungan gamete, “On-Henji apsele tiki a deten a tanangadan apsele ualih, on-Henji do s’i-Hen a lanuman abmele banaihan ti-ih” (Jisaya 45:11).

Agante dimadnaba a erten adnag, Kitungan a mang garberba agale a ertayen abirnaji ganumte lingan a pungiten ambrij. Agale josep a ganumtelingan oplingeten, Samuel a tanalmaling ja opugeten, Nebukutnezer a mang janang apungieten amandrengna biran, kun ambrij mangba-ben janangan apungite.

Nami, Kitungan d’ongna batte arbirben asan oskailing daku. Anin mandrengnaben apsele a pungiben asan do anabgugu batte tagortaben. Tanahimdam Kitungan a onagji, amben Anin a d’ong gudingben dete (Sanenken 91:15).

Kinolbe absele: “Edana a sanadda-ben asan Anin a jardin na d’ong-ben asuyemte; antate Anin amdangten a tabdong Anin d’ong-ben jalangte” (Jisaya 30:19).