June 21 – Banuddi do Ganalam maran!

“Desan a er ranoitadan asan dane maranji atengteji, bindo banuddi do ganalam maranji batte kunate ateng ayam ganabrin dete” (Bangsa Hanang 28:2).

Mandrenna lingan butete Bangsa Hanang a kambolol kinolte anin a jading na bangsa mandrenna yangte. Kan a kambolol banudin abirna batte marid do ganugu a mandrengna birna. Anteng asan kitungan a baraling  ja yanangdraman dete.

Kuddub  dangadarnji do dangdirnji, er rang sidruneji a mang kan kabololn kinolben dete, kan ordaranlingan, banudin do er bantong lingben mandrengna anayana sayamlangte.

Alexander Mclean, bo hanangtiymar gamle, “Bangsa Hanang kambolan boi boi bangsa medicine do bangsa regam kan atena todong ayam dakuben dete”. Kanina ate dangadanji apsele sanamang asun saring a kambolol.” Yang a jadinna kan abirnaji!

Aateng dangda do dangdinji Jisun Kristu amangba dirtenji kan bangsa hanang kambolan a kinol-le atiki. Bute bute ate kinolteji ganalaman a yangben asan ordarlingan bindo aninji Kitunagan a bunding batte aninji a d’ong kitunglingan anurugan deteji. Iten aninji as akin? “Ganalaman a yangben asan kambolanji kinoltabe kan ordarlingan. Bindo, ganalamang kitungan aman urunglanten kan a kambolol batte. Kinolan batte ganalaman dele kan a birnaji.

Kan bangsa hanang kambolan bo bangsa hanangan a tiyben asan sayamlangte. Kan a kambolan batte mandra Kristu a ganalamang yangte. Kinolan batte bo sundangan ambrij tanagte mandrengna lingan.

Pasiybenji do dangadan dangdinonbenji bar biridabenji oblingbaji kan bangsa hanang a kambolan a kinolben asan. Ateden aninji janggardadage a ganalam batte maranteji. Itedale ja aninji kan kambolan kinolben do a ganluben asan aninji lumben dete, aninji janggardadage marangle a ugarlingan dakuteji. Abaralinganji do abirnalinganji aninji banudidam deben dete.

Buten deleja, kitungan a ganalam amaniyten den anin er ganalamling daku gamle mandrengna absuite. Kitungan abirna janggardan do mandrengna sattang ted bindo bo asab ganalam kadiban ambrij do kayating mandrengna saring banudi mandrengna abmete. Pwrardan radu abmete. D’ongle abtagorte.

Kinolbe absele: “Kitungan amang lingan ganalaman do ranaptin daku; Anin amang lingan taniyberan do gananludan daku ” (Ayob 12:13).