June 16 – Togidage a Gardikuranji!

“…. bar giyba, baru lingan Elisan a yaryar togidage a kurtanji do gardikuranji barij tardangge dele” (2 Raja 6:17).

A mandraji a rabrabben oder aninji apsele asanunaben, Kitungan a bara rumangdage do boi boi bangsa. Tinne, aboanta arabraben asan anin a yaryar manengba apaile togidage a kurtanji do gardikuranji.

Elisha a boi bo ansadage do bo bangsa mandrena a hanale dakule. Bo boanta sattang anin batte dakule. Suriyan a raja Elisha a d’ong asanggemle, do anten asan, anin apaile togidage a kurtanji do gardikuranji do ateng sanu ompu maranji, bar aninji togalan adnang yeran yerre gardan a yaryar dakulenji (2 Raja 6:14). Butte Elisha apsele sanuten? Butte rabrabte raja suriya aman saring? Elisha a boanta murmurloge gamten, “Ugai, gamang-hen! Anlen iten lumtabe?”

Amben a galamtepo Elisha iten ambrij ayerbireten? Anin gamete, “Bantongdong, iten asan gamlenden aninji a mandranji saring anlenate awr daku.” Oo, Elisha aman Janggardan a m’od dakule. Kun a m’odan batte, anin gijeten a yaryar togidage a kurtanji do gardikuranji barij tardangge Kitungan apaiyante. Kun asan, augarlingan banatongan adead.

Ogandile giyba Kitungan ateng ayam a rabrabbentinan ate. Kitungan gamete, “Iten asan gamlenden Gamantungan gamte: Hendaman anin a yaryar togi kintalan detai do anin a tarangdi lingan Hen ganugun detih. “(Jikoriya 2:5). Joshua, Bitsara, 1 raja do 2 raja kambol lingan, anlen tinne galamtabe Kitungan a mandranji apsele ateng rumang bara lumle. Kan akambol-ling galamtabe yang a kanalkalji dakule.

Bibolan gamte Sisera Israel aonanji alankaling sanunaben asan ogandele, Bar tuituijanji riangan saring sanuleji; aninji riang lingan obsadan obsadle Sisera asanggem lingan sanileji (Bitsara 5:20). Kun ambrij, Kitungan israelmaranji a rabrabben asan kananiyanji a d’ong gongetenji. (Hanagod 23:28, Bagujuanaber 7:20).

Agante Israel aonanji misordesa saring ablule, Kitungan kun a tarwbsunan Misoranji a ompu kanuduai do israelanji a ompu kanuduai a taradingban iyaniten, bar taruban batte Misoranji apsele lunguddan dele bindo antate Isarael maranji abmele paleddam dele (Hanagod 14:20). Tanahimdam Kitungan a onagji, Kitungan d’ongben rabte. Anin todorng ayam oganditaben.

Kinolbe absele: “Iten asan gamlenden ayengan a mandranji Gamangtunan amang lingan rojo-j’en dakkuteji, aninji apsele Anindaman a ranaptin apsuiben asan Anin a m’odanji ordaran a kuddub maneng gijgijte. Kani lingan aman er banuddi baran lumle. Anten asan kan ayaman saring aman apsele sanun dete” (2 Birinda 16:9).