Mar 13 – Tai pora dibo!

Phillipines 4:19 aru amilaga isor pora hi sob dibo apuni ki lagi tai laga dhon hisab te mahima thaki kene isor Jisu Krista laga.

Kun bi manu nai junke iku komii nai. kunuba khan gau laga bimar ase, aru kunuba khan budhi nathake. Aru kunuba khan tu shanti nathaka mon. itu prithibi sob tu komi, shrap pora hi bhorta ase pap kora pora. Manu jati pora harai loishe unnati aru sundor jaga garden of eden. Khabole kom gyan nathaka, bimar juntuitu prithibi te ase, isor itu khan sob ke hatai di kene apuni khan ke thik shanti aru unnati dibo.

Pobitro kotha te koi: chutu bagh khan komi hoi aru bhuk te thake; hoilebi jun khan isor ke bisare tai khan iku bhal saman khan te komi nathakibo” psalms :10. Kunuba alag translations khan te itu bi koi ki tagot aru dangor khan dukh pabo bhukh aru dukhiya pora. Hoilebi isor laga bacha khan hodai din bhorta thakibo.

Apuni khan sob lagi thaka karone, apuni khali jun pora prithibi aru swarg ke banaishe taike sabole lage, kile koile tai hi ase jun pora apuni ke matishe, jun pora apuni ke loi jai aru rasta dikhai. Psalms likha david pora tai laga suku thik rakhe isor uporte aru koi: “Jehovah hi ami laga charwaha ase; ami iku nalage.psalms 23:1.

Ki apuni mon dukh lage apuni laga kamai kom ase kooi kene? Tini hoile, jun homoi te apuni nijor laga kamai ke pai, apuni khan  isor laga usorte jabole lage aru mon di kene isor ke prathana kuribo lage, isor pora hi apuni laga kamai ke ashirbad kuribo. Isor jun hi 5 hazar manu ke khilaishe khali 5ta ruti aru duita mas logote, tai pora hi ashirbad kuribo aruu sabo apuni laga sob lagi thaka saman khan ke. Itu isor hi ase jun  pora 2 million Israel laga manu khan ke khilaishe tai pora hosa bi apuni ke bi sabo.

Bishi manu, jitya tai khan poisa laga  digdar thake, tai khan bhabna kure manu khan pora loan lobule hoilebi isor ke Biswas nakure. Inika homoi te tai khan laga dimag te kinika loan khan lobo itu hi bhabna kure, itu nimite isor bi tai khan  ke dhar te hi thakibole diye. Hoilebi jun khan isor ke sai, aru bhabna kure ki tai kitya bi loan nalobo, kiman dukh thakile bi, isor pora inika manu khan laga jibon te achurit kam hi kuribo.

Isor laga bacha khan, jitya bi apuni laga jibon te komi ahe, isor ke kobi apuni ke ashirbad dibole, ashirbad dibole jinika zarephat laga bidvah ke dishile. Jitya apuni taike bisare, tai pora apuni laga sob zaroorat khan pura lkuribo.

Aji bhabna kuribole laga pobitro kotha tu hoile james 1:4 hoilebi dhoyjo thakibi thik kam hobole, ki apuni thik aru pura hobole, iku komi nohoi kene.