Apr 10 – CHAJEVAL STUTHI

Geeder grandh 136:1Yehovana stuthi karo ,Vu acho cha.Vor karuna hamesha cha.-

Prabhur hachapanena savad karan athramaj thamjavnu koni. Lapan hamesha rer vor karunana puro dallethi heryek dademayi herdelalenu.

Vu Prabhur karuna thona chodeni chodan jayeni. Kasen katho Vuj apaner stuthina aradhanana ann ghanathana mahimana chajevalo cha.

Kanna Solomon Dever Devalen prathista kidoko vundhadaj Yajakevo Levival sey vunden vo Prabhna stuthi karena haval karlidey kan dekacha. Lapan Stuthi karnu katho Vunden Deve guner vadi kai malamcheni. Athoi Dev Vor beptana Vor karunathi ann premethi Soganer Deshen hajaar basso ashish karan Cananen chalalen lego. Dever karunaj vunden malamvethijako yekkaj gunmer naam vothij vunden chavnujako seji paldey. Vorsaruj vosey Yehovana stuthi karo ,Vu acho cha.Vor karuna hamesha cha kan key.

2 Dinavruthanther grandh 5:13 , Apaner Prabhu bhari haacho, Vor karuna hamesha racha. Hanu kanna vosey bhalan stuthi kideko jannaj Dever mahima vo Devalema aan bharagi.

Kanna thu Deven Vor haachpanen herdelalen stuthi karechiko jannaj Dev vo Devalema vor mahiman kuvatho bharoko hannuj Dever Athman Deval ven chajako thar jeevadar dallema sada vor mahimathi bharnakacha. Apaner Prabhu bhari haacho, Vor karuna hamesha racha kan thu stuthi karnu. Yee 136 geed yek geed kunas ‘Prabhur karuna hamesha racha’ kan kajako vathethi mugasacha.

Yee gedemar agediyar vachan Prabhu kathra hacho kan malamkarach jethij apan von stuthi karen chajevalo cha . Yeshaya 54:10 vachan kacha, mot parvath cheti javachkaiko ,gatlavo kadjavachkaiko,pan Mar karuna thona chodan jayeni,ann Mar karar thar dayithi kadajayeni.

Ajji jada dhyan pado Geeder grandh 136:23 Apaner gareeb panema apanena herdelayojena stuthi karo ,vor karuna hamesha cha.