Apr 09 – Isor ami laga mahima laga!

Psalms 109:1 chup nathakibi, oh isor ami laga mahima laga. King George, pora ekta poem likhishe. Utu poem te, ekta manu andhera gufa te jai, tate zeherila aru khatarnak janwar khan bi thakibo pare. Itu karon utu manu pora tai laga  chaukidar ke torch mangishe.

Chaukidar pora koishe: “bhal pora dhuribi isor laga hath ke, ji pora apuni ke dibo ujala jitu itu  prithibi laga lamp khan dibole napare, aru itu pora hi apuni  ke thik rasta te loi jabo. Itu pora hi apuni ke andhera gufa ke par kuribole dibo.

Job laga jibon te, sob bardasht kuribole napra laga dukh khan uporte, tai isor  laga chuppi ke bi bardasht kuribole lagishe. Jitya bi apuni jb laga kitab ke pore, apuni bishi swasl ahe pare mon te ki kile: bhal khan dukh pai? Aru  kile biya khan hi uthi  jai? Kile isor chup thake itya bhal man khan porikha te thake? Aru ami khan itu laga jawab ke napai itu prithibi laga hisab te.

Hoilebi job dhuri thakishe isor laga hath Biswas te. Aru itu Biswas  pora hi, tai utu andhera gufa tai laga jibon te hoi thaka te ghushishe. Aru isor laga hath bi taike kityabi charanai.

Jitya tai andhera te berai thakishe, tai koishe: “sabi ami age jai, hoilebi tai tate nai, aru pichete ami tai ke pabole napare; jitya tai baya hath te kam kure, ami taike dhuribo napare; jitya tai daya hath te kam khure, ami taike dikhibo napare. Hoilebi ami jane tai kinika loi jai; jitya tai mai laga porikha loishe, ami sona nishina ulabo. Job 23:8-10.

Apuni laga jibon te- jitya apuni iman porikha khan te thake kile isor chup thake? Apuni khan janibo lage ki tai itu porikha khan ke dibole dishe kile koile apuni khan sona nishina ulabole. Utu porikha khan laga agete bishi anondo ase. Jitya puni krista logote dukh bhuge, apuni bi tai logote rajyo kuribo.

Pura homoi jitya jisu ke crucify korishe, jisu chup hi thakishe. aru jitya tai koishe, itu khali khata kotha hi thkishe, juntu 7secs te bi khotom kuribole pare. Hoilebi tai isor baba laga chup ke bardash kuribo paranai aru koishe isor ke kandi kene: “ami laga isor, ami laga isor, kile apuni ami ke chari dishe?”

Tai dhoyjyo thaki kene hi isor laga chup ke bordasht kuri loishe, kile koile apuni khan ke chari nadibole. Isor laga bacha khan, apuni khan janibo lage ki itu apuni laga labh nimite hiase, ki jisu apuni porikha laga homoi te chup thake.

Aji bhabna kuribole laga pobitro kotha tu hoile job 42:10,17 itu pichete, job tai laga tinta sathikhan nimite prathana kora pichete, Jehovah job ke poila pora bi duibar uthai dishe. Aru itu pichete job bishi bura hoi kene hi mori  she.