Apr 06 – STUTHI KARAJEMA SAMARTHYA

2 Dinavruthanther grandh 29:25Daveedan Daveed rajer heta genidhar Gaadu ann Bhakthidhar Nathan kideyjako theermana prakar Yehovar Devalema thalmena ghogkaadan boler sitharan maresaru Vu Levivalun niyam kido. Hanu chalnukan Yehova Dev Vor bhakthidarer vadithi hakkam karmelocha.

Geeder grandh yee dharthiper aradhanar bagey malamkaracha. Darshaner grandh vu aradhanan vagadan hamesha heriyaler bagema Dever beptavo bhalan kukarnuko malamkaracha. Yee dharthiper kanna thu stuthi karer sikechiko vu stuthi hamesha ann saswithvagi asmanema karukarechi.

Shaswith rajyamema Serapul ann Kerubim ann Dever bepta ku stuthi kariyeko kan Daveed ghano achamovego. Asso stuthi karajen yee dharthiper laavnu kan Daveed asakido. Vorsaruj vu stuthi aradhanan karesaru yek gumpun thayar kido.

Thon malamka vo gumpuma kathra admi vethey ko malamka 1 Dinavruthanth grandh 23:5 vachanema 4,000 admivo gadapakan kaavali vethey. Ajji 4,000 admivo Daveeder vadithi Yehovan vayidyamethi stuthi karevaler nai niyam karamelethey. Yekhapthi sos kartho 4,000 hajar admi hekkaj haptha vayidyamen maran stuthi karrechkatho ajji vu nankhas hariyaler bag dharthiper vuthrajummaj racha.

Daveed Dever vathen dhyan karan vor sonth anubhavamemathi Geeden jodan lakko. Ajji ku vayidyavun maran yek dee gumpurnai thayar ven kukan stuthi aradhana karnuko sada Daveed sikhayo. Geeder grandh 33:3 vachan ,Deven navvo geeden gavo,anander kalkarithin,vajavuthi aacho vajavo.

Mar mktiyar vummarer dadema yek geed bolthethey voma  dholo lathar bagey , soner kiritad bagey,vajavuthi stuthi karer bagey,vuncher gharer bagey,manna ayijako jayam ann anand hariyaler bagen javajethanu marmayithi kuni cheti karsakeni. Apanen yek yeken yek vaja asmanema renu. Vu vaja haath marero reda, guitarethi reda kanjerathi reda vu sada stuthi kareroj kacha, vothi sada Dev anand pathanu Vor namen mahima palacha. Geeder grandh 119:54 vachan kacha Ma paradeshir nai vassujako gharema thar niyam manna geed vegicha .

Jethij Daveed Mandasamen palden areja vu sanduma sada nachkudan Deven stuthi kido vu sandukunika kan dittokoni kan 2 Samueler grandh 6:14 vachan kacha. Geeder grandh 35:18 jana moto malayema thona stuthi karuchu; janner malayer vacha thona seravunchu. Mar premer Dever beptavo thu sada Daveeder nai puro dallethi Deven stuthi karnu.