Apr 06 – Mahima laga bhal!

2 Chronicles 29:25 jehovah raja david ke raja laga prophet gad aru prophet Nathan laga mukh pora niom khan disile itu raja bi itu niom khan ke hi cholaishe: mndir bhitorte tai levi jati khan harp bajna aru cymbal bajna dhuri kene khara korai ase.

Psalms laga kitab te likhi ken ease kinika ami khan  isor ke mahima kire prithibi te. Aru revelation laga kitab te, khuli diye swarg te mahima kora isor laga. Jitya apuni mahima kure isor ke itu prithibi laga jibon te, itu pora bi khuli dibo apuni ke mahima kuribole hodai din karone.

Raja david pora bhabna kure kinika isor laga duth khan chutu aru dangor aru redeem kora isor ke mahima aru sheva pora hodai din karone. Tai iman icha  thakishe inika swarg laga mahima anibole prithibi te. Itu karone tai shikhaishe mahima laga kotha aru khara kurishe mahima aru sheva kora laga grup.

Apuni jane kiman manu thakishe utu mahima aru sheva kora laga grup te? “char hazar khan chaukidaar thakishe aru char hazar khan mahima kurishe isor ke gana bajna logote, juntu ami bonaishe, koishe david, mahima karone 1 chronicles 23:5. Ekbar bhabna kuribi, kiman achurit hobo char hazar manu gana bajna kuri kene mahima kora isorke. Itu ekta chutu swarg prithibi te thaka nishina hobo.

David pora psalms likhishe isor ke mahima kuribole, tai laga anubhav pora aru pobitro kotha te bhabna kuri kene. Tai pora hi mahima aru sheva kora shikaishe kinika gana kuribo lage aru kinika bajna bojai mahima koribole. Ami khan pobitro kotha te tai laga rule khan pai: “gai dibi taike notun gana; bajabi bhal pora anondo pora chillai kene psalm 33:3.

Amilaga chutu laga homoi te, ami gana kuri thake, jitu boga kapra laga kotha koi, sonali mukut, bajna mahima laga, upor laga ghor, baner jitya laga narukhi kene bachi ase ami karone swarg te. Ami khan sob bi bajna ase swarg te. Itu prithibi te, itu ekta bajna hobo pare tali mara bi, guitar, aru tambourine. Ki ki bajna hoilebi, jitya apuni bojai mon te thik bhabna kuri kene mon te , pura swarg khushi kure. Aru isor ke ucha kure.

Sabi david ke.taimahima kurishe nijor laga ghorte. Tai koi: “apuni laga kotha khan ami laga gana te ase ami laga puja laga ghorte.” Psalms 119:54. Tai mahima kurishe rasta te. Jitya isor laga arc Jerusalem te ghushishe, tai nachishe pura tai laga tagot pora aru khushi pora jump kurishe aru iku bhabna kuranai ki tai rasta te ase 2 samuel 6:14. Tai mahima kurishe isor laga ghor te. “ami mahima kuribo dhonyobad di kene isor laga ghorte; ami mahima kuribo apuni ke bishi manu laga majete” psalms 35:18. Isor laga bacha khan, apuni khan bi mahima kuribi isor ke aru sonman kuribi taike, david nishina.

Aji bhabna kuribole laga pobitro kotha tu hoile 1 chronicles 29:11 apuni laga oh isor ase sob dangor khan, Shakti aru mahima, jitya aru raja laga; kile koile ji ase swarg te aru prithibi te apuni laga; apuni laga rajyo ase, oh isor, aru apuni laga naam uncha ase sob matha uporte.