Apr 02 – DEVER NAMEN SEY VAGATHEMA STHUTHI VEDA

Geeder grandh 34:1Yehovana sey vagath stuthi karuchu,Vor stuthi hamesha mar mundema racha.

Stuthi karajema dee thara cha. Voma yek mamulga stuthi karer ajji dusar stuthi Dever namen vuncho padan sanman  lavajako. Thu Dever  dayithi kai phaido lelathoi dhanyavad kero mamulga sikmelochi. Vudaharan kenukatho thon kusik noukari malichkathoi nathkan yek ach kam chalichakathoi thu stuthi karechi. Hanu karero motvath koni malamka.

Sasij Dever namen mahima layer stuthi thu karnu katho vu kunsi velar vagath reda, dukhar vagath rathoi, thu andharer khayema chalajana , thon deken sey paristhithi thar  vumper hoto pharjavathoi kareroj moto dhanyavadero stuthivencha. Hanuj stuthi karastho thon  janaj thar mundema Yehovar vunchokarer stuthin, thar hathema doi pakthi almalijako thalvar dacha(Geeder grandh 149:8). Vu thalvar Dever vathaj, vu Dever vathethij thu adharen cheti karan vairivuthi ladai maran jeetheja. Yeej mot rahasyam.

Yekhaptha Bhakthidar Yoben herdelalatho. Yekerlar yek apathi athani asal von samjayenaj venijathra velama padago. Vor Asthi anthasthu ,gavdigoda ann beptavo seji yekkaj dadema gamalido. Kanisam yek beta sada banchekoni.

Vor bayavo margey. Asmanethi angar athani gorlir mandana ann vor bayavun balnaki. Vor vairivo athanu vor gavdigodan dorlen legey. Seji vor virdvagi chalgi. Akharima vor gonni sada , ‘ ajji thu thar niyathen chodesnika ? sarap dethanu vu Deven chonak kethani kenaki.

Lapan Yobu 1:21 vachanema,  ma mar yadir petemathi bhungaloj ayotho, bhungloj votha ma hoto javunchu. Yehova dino Yehovaj hoto lelen dagargo. Yehovar namen stuthi veda kan vuthar dino. Athra chalithoi Yober viswas Dever per kam vikoni. Athra jada nammakamethi Deven stuthi kidojethi Dev Yoben Dee haso ashish kido.

Aaj thar jeevanema seji vulta vegichka? Varu cheniju, noukari cheniju ajji thar katmalen khanopani dekenaj velaverich kaiko? Apputhi garibpanema chikaiko?

Asas vagathema sada Deven stuthi karnu kethanu Yober nai dallema ghat karla. Mar premevalavo sey vagathema Deven stuthi karer sikhla. Kasta avathoi badha avathoi Deven stuthi karer bhulmath vuj thona ashema chalavach.

Ajji jada dhyan karen pado.Yakob 1:12