Apr 01 – Mahima isor ke!

Psalms 69:30,31 ami mahima kuribo naam isor laga gana pora, aru avardith kuribo taike dhonyabad pora. Itu hi kore khushi isor ke guru aru shand pora bi, jitu shing aru khurra ase.

David tu hodai hi isor ke khushi kuribole utsuk thake. Itu karone tai hodai hi tai laga kam khan ke isor ke khushi kora laga hobole prathana kure. Aru ses te tai jani she ki mahima kura hi isor ke khushi kure.

Isor tu sona aru chandi icha nakure, na daan aru uphar khan. Tai khali mahima aru sonman hi rukhe ami khan laga mon pora. Tai rukhe ami khan mahima kura aru tai ke sheva kura ami khan laga mon aru tagot di kene.

Isor thake mahima laga majote. Pura swarg tu mahima  laga gana pora  bhorta thake. Tate isor laga duth khan mahima ru sheva kure. Chutu aru dangor duth khan bi mahima kure. Utu charta jinda prani aru 24 ta dangor khan sheva kure tai ke narukhi kene.

Judi isor jun hi thake mahima laga majote, hobo lage apuni laga ghor khan te, toh itu bishi zaroori ase ki apuni khan tai ke mon pora mahima kuribo lage. Jitya david jani she mahima kura hi isor ke khushi kure, tai nijor laga mon te pratigya loi aru koi: “ ami shirbad kiribo isor ke sob homi te; tai laga mahima narukhi kene thakibo lage ami laga mukh te. Psalm 34:1.

Mahima hi dangor hatyar ase juntu isor pora cholai jerico laga wall ke girabole. John captain, jun hi ekta archaeologist thakishe tai jerico laga wall ke saishe aru pai she ki tate duita wall thakishe. itu laga cahurai tu 6feet thakishe aru dusra wall tu hoile 12 feet thakishe. bhabna kuribi kiman tagot thakishe utu wall khan laga.

Utu Israel manu khan iku bomb thakanai utu wall ke girabole. Tai khan mahima kure isor ke pura tagot di kene aru bojai trumpet ke. Aru isor laga tagot thaka upastithi nichete ahe aru utu chaura wall khan nichete giri jai. Mahima kura isor ke hi khotom kure dushman ke aru prakat kure mahima isor laga.

Apostle paul pora hude amikhan ke dhonyabad kuribole sob saman khan te isor baba ke jisu krista laga naam te ephesians 5:20. Jote bi apuni mahima aru sheva kure apuni laga uporte satan kitya bi ahibole naparibo, kala Chaya laga tagot apuni ke jitibo naparibo. Itu karone, isor lag bacha khan mahima kuribi tai ke aru jitibi.

Aji bhabna kuribole laga pobitro kotha tu hoile colossians 2:7 hepa howk aru uthabi tai uporte aru khara kuribi Biswas te, jinika apuni ke shikaishe, dhuri kene thakibi dhonyabad kuri kene.