Mar 31 – PADAGIJAKO KORADI

2 Rajer grandh 6:5Yeko jhader moddu kotharrotho koradi lapsan panima padagi jana – “mar yajaman vu koradi vudar layojako cha kan ghatto barkayo”.

Dever vachanema vanchacha Yeliyar 7 ann Yelishar 14 achamkalar kamen kidechakan. Abba padejako vachaner sangatana Yeliya kidojako saathmo akharimar achamkalar kaam. Dev kankren achamkalar kamen karacha ann vunden kankren vachanema lakamelocha? Yohan 20:31 vachanema padacha Yesu Dever Beta Christhukan tham namman ,Vor namema jeevena payena ye sey lakkan cha.

Yeliyar dadema pravakthar bepta seji bhalan vunder vasu yek gharen bhandlenu keldey. Vundema yek chela moddun kotharro jana Yordan nandima lapsan padagi. jana – “mar yajaman vu koradi vudar layojako cha kan ghatto barkayo”. Kunsi cheej thoi bhado layecha katho vu kervasu layecha katho vu kam karlen paran hoto vor yajamanen denaknu. Sasikenukatho apaner jeevada  Prabhu Yesu vudar lemelocha. Jethi thar jeevadana pavitharethi jathan karlenu. Thodsek vunder jeevadana papen haval karnaken vunder athmana jeevena ann jeevdan sada mando sosethi bharnakacha. Atho thar jeeven kukan Dever mundag leko dechi ?

1Corinthivalun 6:19-20 vachan kacha Thamar jeevda ,tham Devethi len thamar mayi vasrojako Pavithar Athmar Deval kanan ,tham thamarval konikanan malam chenikai? Tham molethi molagejethi thamar jeevadathi Deven mahima karo.

Yeliya Pravakthar betan balan vu koradi lapsan katha padicha kan pucho. Yee vagathema apanen apan pavithar jeevanen banchajema katha padgechako paricho karlenu. Thar jeevanema thu katha lapasgochi? kunas thara paap thon pakalden thamricha? abba thu katha hubochi?

Ajaj thu paricho karla,Daveed araj kidoju thu sada araj karnu Geeder grandh 139:23-24 Dev manna parakan maar dallena malamkarla; manna paricho karan mar sosena malamkarla.

Marmayi keeder vat kaithoi chakaikan dekan ,shaswith vatema manna chalayes.

Ajji jada dhyan karen pado Geeder grandh 51:12 Thar rakshanar anandena pher manna dena,khushir Athma manna samalaju kares.