Mar 31 – Giri ja kuthar!

2 Kings 6:5 hoilebi inika ekta manu kati thakishe gash, loha laga kuthar giri jaishe pani te; aru tai khan kandi kene koishe, “aya, malik! Itu dhar kora thakishe.

Pobitro kotha tea mi khan pure satta achurit Elijah laga aru 14ta achurit Elisha laga. Itu uopr laga verse tu Elijah laga achurit kotha laga uporte ase. Kile isor kure achurit  khan aru china aru kile itu khan ke pobitro kotha te rakhi ken ease? Pobitro kotha te koi: “hoilebi itu khan likhi ken ease ki apuni Biswas kuribole ki jisu hi krista ase, chokra isor laga, aru ki apuni Biswas kurile apuni jibon thakibo tai laga naam te. John 20:31.

Elijah laga din khan te, prophet khan laga bacha khan tai khan nijor pora hi ghor bonabole mon thkaishe. Aru inika hi ekjon tu gash kati thakishe aru tai laga kuthar tu Jordan laga nodi te giri jaishe. Aru titya tai kandi kene koishe ki itu dhar loa laga thakishe.

Jitya ami khan kiba saman dhar loi manu khan pora, itu kea mi khan cholai kene malik ke ghurai dibole laga thake. Inika hi ami khan laga gau bi isor pora dhar loa laga ase. Itu karone, ami khan itu ke thik pobitro te hi rakhi thakibo lage. Kunba khan tai khan laga gau ke pap te dhale aru dagi kuri loi mon atma aru gau ke. Kinika apuni itu lga hisab isor ke dibo, apuni laga gau laga?

Pobitr kotha te koi: nahoile apuni najane ki apuni laga gau tu mondir ase pobitro atma laga jun apuni te ase, juntu apuni isor pora paishe, aru apuni nijor laga nahoi? Kile koile apuni ke kinishe ekta kimat te, itu karone, mahima kuribi isor laga apuni laga gau te aru apuni laga atma te, juntu isor laga ase” 1 corinthians 6:19-20.

Elijah, naukar isor laga hudishe prophet laga chokra ke ki kote kuthar tu giri she. Apuni khan nijor sabole lage aaru buji bole lage ki kote apuni laga pobitro tu girishe. Kote apuni hosa bi hile jjaishe apuni laga jibon te? Ki kisim laga pap pora puni ke cholai ase? Aru kote apuni itya khara kuri ase?

Aji nijor ke sabi. David nishina, apuni khan prathana kuribo lage: “bisaribi amike, oh isor, aru janibi ami laga mon; sabi amike aru ami laga bhoi khan ke: aru sabi Jodi ami te kiba biya ase naki, aru loi jabi amike khotom nahole laga rasta te psalms 139:23-24. Isor laga bacha khan, ghuri jabi isor laga morom logote, aru apuni laga purana prathana laga jibon te. Isor tu dayavan ase apuni ke uthabole aru apuni ke age nishina pobitro bonabole.

Aji bhabna kuribolle laga pobitro kotha tu hoile psalma 51:12 poila nishina kuribi amike anondo apuni laga bachai diya te, aru dhuri thakibi amike apuni laga dayavan atma pora.