Mar 28 – Tai apuni ke morom kure!

1 peter 5:7 dibi apuni laga sob dukh khan tai logote, kile koile tai morom kure.

Amikhan laga isor morom kure aru amikhan ke sai. Tai ami khan bhal thakibole laga bhabna kure, amikhan laga atma laga jibon te aru porivaar te. Apuni khan anubhav kure ekta ahram apuni laga mon te, kile koile isor hi apuni laga chinta kore.

Ekbar amikhan thirupathi fasting camp pora ghurai  thakishe, amikhan laga gari ekta dangor accident hoishe. Ami laga baba, ami laga ama aru ami jhokhom hoishe accient te. Aru ami khan tinjon bi hospital te admit hoishe.

Hodai din isor laga bacha khan, amikhan ke hospital te lok pabole ahe, ami khan lamnga gau kinika ase hudibole aru ami khan thik hoishe na nai. bishi isor laga bacha khan amikhan amikkhan ke phone kurikene hude aru amikhanlaga mon ke dangor kuri thake. Amikhan bishi khushi hoishe aru kandi kene prathan kura isor laga bacha khan amikhan karone kora tu. Kiman bi bhal aru sundor ase isor laga porivaar te  thaka tu.

Jitya amikhan mon dukh hoi, amikhan manu khan laga  morom ke bisare. Inika laga homoi te, amikhan kunbi thakile bi nathakile bi amikhan ke sabole, amikhan laga isor jisu krista hodai din amikhan laga sath te thake amikhan ke tai laga morom ke dibole nimite. Prophet Isiah pora koi: “apuni aru nakandibo. Tai bishi dayawan hobo apuni laga kanda awaz huni kene; jitya tai apuni kanda hune, tai ppora  apuni ke jawab dibo. Isaiah 30:19.

Jitya hagar pora ekta porikha laga homoi te thakishe, tai nijor laga bacha ke loi kene polai she, Abraham laga ghor pora. Ji khan sob Abraham laga don thka aghor pora dishe, olop ruti aru pani hi thkaishe. Kunbi thakanai itu jongol te tai ke morom kuribole. Hoilebi isor thakishe tai ke modot kuribole tai ke sabole nimite.. titya isor laga duth pora taike awaz dishe hagar koi kene aru hudishe: “ki pora apuni ke dukh di ase hagar? Bhoi nakhabi, kile koile isor apuni ke hunishe jun hi dukh te ase. Genesis 21:17.

Judi kun bi itu prithibi te apunike nabuje, amikhan laga isor apuni laga sob din ke jane aru apuni kinika thakile bi apuni laga usorte ahi kene apuni ke morom kure. Pobitro kothate koi: dibi apuni laga sob dukh ke tai uporte , kile koile tai apuni ke morom kure. 1 peter 5:7.

Jun khan  sob dukh  khan tai nijor logote rakhe tai hodai din kotha beya koi isor ke. Taikhan ke isor  koi : hoilebi apuni matanai amike, o Jacob; aru apuni ami pora dukh hoishe, oh Israel Israel 43:22. Isor laga bacha khan , kile koile isor apunike morom kure, hodai din  apuni laga dukh khan ke isor ke dibi aru khushi te thakibi.

 Aji bhabna kuribole laga pobitro kotha tu hoile psalms 55