Mar 26 – Tai nyay kure!

Romans 8:30 itu laga uporte, junke tai chunishe, itu tai matishe; junke tai matishe, itu ke bi tai nyay kure; aru junk e nyay kure, itu ke bi tai mahima kure.

Isor pora nyay kure kun khan ke tai age pora chunishe. Tai pora sob biya khan tai nijor uporte loishe aru kapra laga dishe hosa laga. Tai khan nimite, tai pap bhugishe jun iku pap kenajane.

Abraham Biswas kure isor ke, aru itu pora hi tai laga hosa ke janibole pai.apostle paul pora koi: itu karone, thaki kene nyay te Biswas pora, ami khan shanti ase isor logote ami khan laga isor jisu krista pora romans 5:1. Kile koile isor pora nijor hi nyay kure, kun bi apuni ke bodnam kuribole naparibo aru apuni kene ungli uthabole naparibo.

Apostle paul pora hude: aru kun pora apuni ke biya kuribo judi apuni utu kure jitu bhal ase 1 peter 3:13. Judi bi manu khan apuni laga biya koi aru apuni ke jokhom kure, mon dukh nakuribi. Bhabna nakuribi jun khan apuni ke dukh diye aru apuni laga mon bikhabole diye. Aru  nijor laga sahas harai nalobi manu khan laga biya kotha khan  pora.

Jitya apuni mon dukh hoi, sabi isor ke jun pora amikhan karone dukh loishe. Aru jityabi apuni dukh buke, isor ke sabi jun hi ekta bhal Samaritan ase apuni laga ghau ke bandhibole. Morom thaka laga daya pora tai apuni laga usorte ahe aru bandhe apuni laga jokhom khan ke tai laga khun aru pobitro atma laga tel pora. Aru tai pora hi apuni kea ham dibo.

Jitya manukhan apuni laga khilaf e khara  kure, khali utu rasta te sabi jote isor  pora par kurishe. Bhabna kuribi sob misa kotha khan ke juntu tai ke iljam lagaishe Pharisees khan pora. Tai khan pora taike Beelzebub jun hi satan pora dhuri kene thake, tai laga malik bi ase koikene oishe. Tai khan barabas ke hi chunishe jisu laga uporte aru pilate pora charishe. Tai khan kandi kene jisu ke crucify kuribole koishe. Tai khan Mazak uraishe aru lathi pora bi marishe. Hoilebi jisu itu khan sob ke chutu hoi kene loishe. Utu jisu hi apuni logote asee, kityabi apuni ke misa laga kotha ke ilzam lagai aru apuni laga biya kotha koile.

Pobitro koth ate koi Isaiah 54:15 jun khan jama kore apuni laga khilaf te tai giribo apuni karone.itu kaorone chinta nakuribi. Jun khan apuni laga biya khan ke koi kene jama kuri ase aru apuni laga kilaf te kotha kkure tai khan sob apuni logote ghuribo.

Aji bhabna kuribole laga poibtro kotha tu hoile Isaiah 61:7  apunilaga sorom laga bodli te apuni dui guna sonman pabo, aru uljhan laga jag ate tai khan anondo pabo tai khanlaga bhag te. Itu karone, tai khan laga mati te tai khan dui gunna pabo; hodai din laga khushi taikhan laga hobo.