Mar 25 – Tai jitibole diye bimar uporte!

Exodus 15:26 Kile koile ami Jehovah ase jun apuni ke changai kure.

Isor icha kure apuni  ke jitibole bimar laga uporte. Kile koile itu isor hiase jun apuni laga gau ke bonaishe aru kilekoile tai age pora hi ami khan laga bimar khan aru biya khan ke tiraishe kruste, apuni itu bimar logote bhugi bole nalgae.

Jitya apuni prathana kure apuni itu kotha ke koi, “hobole dibi apuni laga icha, jinika swarg te ase”. Tate iku bimar khan aru biya khan nai swarg te. Isor laga duth khan kityabi bimar nahoi. Ami khan laga isor hodai jite bimar khan uporte utu din khan te jitya tai prithibi te berai thakishe.

Iku ministry bi inika nai, jote gospel koa laga ministry hobi, prathana laga ministry hobi, nahoile fasting laga ministry hobi, ktiyabi rukhanai bimar aru komjuri khan pora. Itu tu kile koile iku bimar bi tai ke dhuribole napare. Jodi bi leprosy thaka manu laga uporte tai hath dishe itu bi rukkhibole paranai. Itu bi kile koile tai ami khan laga bimar khan sob krus te hi dhali she aru koishe. Tai icha kurishe tai laga mon te ki tai sob bacha khan laga napungcha khan ke nijor te loi lobo.

Ki jani apuni khan bi mon te bhabna thakibo pare, ki kile isor laga bcha khan bi bimra hoi? Ekta karon bimar hua laga tu hoile pap nimite hi ase. Jitya ekta paralytic ke tai usor te anishe, tai ke changai nakura agete hi inika koishe, jisu koishe taike: “chokra, khusi te  thakibi; apuni laga pap khan ke maph kurishe matthew 9:2. Itu nishina hi, jitya tai utu mau ke changai kurishe, jun hi 38 sal nimite bimar thakishe aru Bethesda usor te changai kurishe, isor taike koishe: “sabi apuni ke bhal kuridishe. Pap nakuribi, nahoile aru bi biya apuni logote ahibo.” John 5:14.

Isor laga bacha khan, jitya apuni pap kea lag rakhe apuni pora, bimar khan apuni ke kitya bi chubole naparibo. Kityaba apuni laga bacha khan bimar hoi apuni laga pap khan pora aru apuni laga shrap tai khan pai. Bishi itu te Biswas nakure. Hoilebi ami khan scripture te pore kid avid laga pap pora, isor tai laga bacha ke chuishe aru tai bi,ar hoishe. 2 samuel 12:14-15.

Itu karone, inika laga homoi te, ami khan nijor ke sabole lage, ki Jodi ami khan pora hi dusra khan bimar hoi ase naki, swikar kuribi apuni laga pap khan ke aru itu pora chutkara  pabi. Pobitro kotha te koi james 5:16 swikar kuribi apuni laga pap khan ke ekjon ekjon logote, aru prathana kuribi ekjon ekjon karone, ki apuni bi changai pabole.

Aji bhabna kuribole laga pobitro kotha tu hoile matthew 8:17 tai nijor hi ami khan laga galti khan ke loishe aru ami khan laga bimar khan ke.