Mar 24 – Tai apuni laga akha jane!

Jeremiah 1:5 “apuni ke pet te nabuna agote, ami apuni ke jane; apuni jonom nahua agete, ami apuni ke sapha kuri dishe; ami chunishe apuni ke ekta pracharak hobole desh khan ke.”

Isor jane apunilaga mon laga sob akha khan ke, tai jane utu rasta juntu rasta te tai apuni keloi jabole lage. Jitya jeremiah koishe: “ah isor Jehovah! Thakibi, ami kobole napare kile koile ami jawan hi ase’ jeremiah 1:5. Isor pora  taike jawab di kene koishe: “ami apuni ke jane”. Jani lobi aji ki utu isor jun hi jeremiah ke jitya tai ama laga pet te bi boni kene thakanai, tai apuni ke pura jane.

Apuni ke isor pora hi chunishe. Itu karone isor laga suku pora pauni ke dikhishe, iman bishi manu khan laga majote. Itu karone tai apuni ke bisari kene ahishe tai laga amorom loi kene. Tai uthaishe  apuni ke tai laga hath te aru morom kurishe apuni ke ninor laga bacha knishina. Tai sapha kurishe apuni ke pap laga sob dagi pora tai laga khun loi kene, juntu tai xalvary te phelaishe. Tai apuni logote ekta rishta bi bonaishe itu khun pora hi.

Apuni laga jibon tu isor laga hath te hi ase. Tai apuni ke dhuri ase tai laga mahima thaka hath pora. Apuni utu te khara ase jote isor ke hath te aru theng te gojal mari kene rakhishe. Utu mahima laga hath hi apuni ke cholai kene jai ase. Kun pora apuni ke  utut mahima laga hath pora chiini bo paribo? Isor koi: “hunibi amike, oh ghor Jacob laga, aru sob zaroori  ghor khan Israel laga, jun khan amimke dhuri kene ase jonom hua pora, kun khan ke buki she pet te thaka homoi pora: apuni bura hoa laga homoi te bi, ami tai hi ase, aru apuni laga chuli boga hoa homoi te bi ami apuni ke buki bo! Ami bonaishe aru ami bhugibo; ami apuni ke buki bo aru apuni ke bachabo(Isaiah 46:3-4).

Ami laga dadi ama ami laga baba ke koi thake tai laga jawan laga din khan te, ki tai pora baba ke isor laga kaam nimite daan kurishe. Itu kotha khan tai laga mon pora kityabi hatanai. Aru tai laga jawan din khan shuru hoa laga homoi te isor taike usor ani loishe tai laga morom pora. Isor tai ke jane aru buje pura. Tai laga morom hi kafi thakishe ami laga baba ke khara kurabole tai laga ministry nimite aru likhibole atma laga kotha khan ke. Isor jun hi sapha pora jani thakishe tai laga jibon laga karon khan, aru isor hi tai laga kam ke pura kurishe.

Isor laga bacha khan, apuni kiman bi morom thaka laga ase tai laga hath te. Isor ekta bhabna ase apuni laga jibon nimite. Tai kityabi apuni ke lawaris nishina chari  nadibo. Aru tai pora hosbi apuni laga jibon te ki kuribole ase ituke pura kuribo.

Aji bhabna kuribole lag pobitro kotha tu hoile genesis 28:15 thakibi, ami apuni logote ase aru apuni logote thakibo apuni kote jailebi, aru apuni ke wapas anibo itu matite; kile koile ami apuni ke nacharibo utu nakora tok juntu ami apuni laga jibon nimite koi ken ease.