Mar 23 – Tai jane!

Exodus 3:7 aru isor koishe: “ami hosa pora bi dikhishe dabi kene thaka ami laga manu khan jun khan Egypt te asw, aru hunishe tai laga kanda tai khan laga kam laga malik khan karone, kile koile ami jane tai khan laga dukh ke.

Isor jane apuni laga sob dukh digdar khan ke. Apuni laga nijor baba pora najani bo pare apuni kuntu dukh laga rasta te berai ase. Apuni laga nior ama pora bi najani bo pare apuni kuntu rasta te berai ase. Iyu pura prithibi bi najanibo pare apuni ke bhal pora. Hoilebi isor koi morom thaki kene: “ami laga chokra, ami laga chukri, ami jane apuni ke”.

Israel manu khan bishi dukh paishe tai khan ke dabai kene bandhi bonai kene Egypt khan pora rakkha nimite, aru kandi kene matishe isor ke. Itu kanda pora hi isor laga mon te lagishe. Isor pora joldhi moses ke khara kurishe, aru thik kurishe achurit kam khan aru china dishe Egypt laga mati te. Tai ekta dangor dukh anishe Egypt te sobse poila jonom hua khan ke khotom kuri kene. Tai Egypt manu khan laga mon te bi lagibole dihse, inika hoikene Israel manu khan tai khan laga gehena khan ke paishe juntu hari kene thakishe. aru inika hi agh barhi she tai khan canaan laga mati te, jote shehed aru duudh pai.

Aji apuni bi kunuba logote dabi kne ase naki, apuni laga kam kora jagate, iku thuk nathaka kam malik khan pora? Ki apuni bi misa mishi laga bodnam aru biya kotha khan ani hunibole pai ase juntu chabuk pora mara pora bi bikhai monte? Exodus kitab laga hisab te 2;25 jote koi: “ isor saishe Israel laga bacha khan uporte, aru isor tai khan ke swikar kurishe”. Hodai din jani thakibi ke isor apuni laga rasta ke jane aru apuni laga sob dukh khan ke bi.

Pobitro kotha te koi: “apuni laga sob bhabna khan tai uporte dibi, kile koile tai apuni nimite bhabna kure” 1 peter 5:7. Isor apuni nimite bishi bhabna kure kile koile tai apuni ke morom kure. Jitya apuni nijor ke nomrokure tai laga tagot thaka hath te, tai pora hosa bi apuni ke uthai dibo tai laga homoi te.

Knuba letters khan ami khan office te pai, isor laga bacha khan laga jitu tai khan iman dukh pora likhe mon te bishi dukh digdar thaki kene, bishi porikha khan te berai thaka ke. Aru ami khan itu khan sob ke bhal pora pure aru tai khan ke bujibole kuchis kure aru tai khan laga digdar nimite prathana kuri diye. Hoilebi ami khan laga isor jane ami khan pora bi bishi apuni khan laga dukh digdar khan ke aru apuni khan ji lagi ase itukhan sobbke. Aru apuni khan kandi ke prathana kura hi isor pora hosa bi hunibo.

Isor laga bacah khan, morom pora yaad kuribi ki apuni dhuri kene thakibo isor ke jinika apuni surute Biswas kuri kene isr laga rasta te ahishe. Itu karone bhoi nakuribi, kile koile isor jun hi apuni karone bhabna kure tai pora hhi khuli dibo apuni karone notun rasta. Tai jane apuni laga sob dukh aru digdar khan ke.

Ai bhabna kuribole lag apobitro kotha tu hoile,  2 timothy 2:19 hoilebi ekdom mojbut pora isor ki lagai ase ituke hilabole naparibo; aru itu te likhi kene ase “isor jani ken ease kun tai laga manu ase’ aru “jun manu koi ase isor tai laga ase tai biya kam khan nakuribo”