Mar 22 – Sabi swarg phine!

Genesis 15:5 sabi itya swarg phine, aru ginti kuribi tara khan  judi apuni ginibo pare. Aru isor tai ke koishe, “ inika hobo apuni laga khandan khan”

Isor laga pandit khan sai upor phine swarg te, aru dikhe isor ke swarg te, tai laga hodai din laga rajyo te aru tai laga swarg laga mahima te. Tai khan laga naam khan likhi ken ease swarg laga jibon laga kitab te, isor baba tate ase tai laga rajyo te. Aru ami khan jisu krista bohi ase tai laga dahina hath phine. Tate ami khan karone hodai din laga dhon khan rakhi kene ae. Hoilebi manu khan itu prithbi laga, jibpn thake aru mori jai khali itu prithibi laga mon te bhabna kuri kene.

Ekta chokra thakishe jun hi patang urai thakishe tai khan laga gor laga terrace pora. Utu terrace te iku waal khan thakanai, itu bacha laga suku tu pura patang te hi thakishe, tai sob pahori kene ki ekta kuha bishi nichete  thaki kene ase  tai khanlaga building laga kinar te. Itu nishina hi, manu khan bi pura dyan tu utu prithibi te hi dhali aru prithibi laga dhon te aru  pahori jai kit u zaroori ase. Aru itu karone hi, tai khan mon laga shanti harai loi, ashirbad isor laga aru hodai din laga jibon ke, aru inika hi pap laga gadha te giri jai.

Jitya Abraham prithibi uporte saishe, tai dikhi paishe bishi hazar hazar tara khan ke akash te tai laga nijor suku pora. Aru jitya isor pora taike khan dan inika dibo koishe tai Biswas kurishe. Aru jitya tai hazar ta tara ke dikhishe, tai janishe ki hazar ta khandan khan isor pora tai ke dibo, bishi jati aru bishi desh khan, aru isor ke inika hi mahima kurishe.

Tai dikhibole parishe jisu krista ke itu phujir laga tar ate untu bishi chamki thakishe sob laga majete aru khandan hisab te tai laga khujn hisab te. Tai dikhibole parishe ki tai laga khandan khan isor ke sheva kura hodai din karone swarg te. Pobitro kothate koi, ekta khandan khan pora taike sheva kuribo. Itu pora hi aru ginti koribo isor laga ahibole laga khandan khan ke, psalms 22:30.

Isor laga bacha khan, apuni khan Abraham laga bacha khan ase, khandan khan bisaas laga aru hosa sheva kura laga isor ke. Abraham pora, apuni  bi dangor ashirbad laga hisedar ase. Itu karone, swarg te sabi apuni laga biswa lga suku pora. David pora koi psalms 121:1-2 ami uthabo ami laga suku khan ke paharte jote pora ami laga modot ahe? Ami laga modot ahe Jehovah pora, jun hi bonaishe swarg aru prithibi.

Aji bhabna kuribole laga pobitro kotha tu hoile john 17:1-2 jisu pora itu kotha khan koishe, uthaishe tai laga suku khan swarg te aru koishe: “baba, itu ghari ahishe. Mahima koribi apuni laga chokra ke, ki apuni laga chokra bi apuni ke mohima kuribo, kilekoile apuni taike hak dishe sob gau uporte, ki tai dibo lage hodai din laga jibon iman jiman apuni tahike dishe.