Mar 21 – VU APANERDAKAL VEGO

Hebrivalun 2:14 Jethi vo bepta jeevadathin loyeethi chajethi ,Vu sada vunder nai jeevadatin loyeethi vego.

Apaner Prabhu Athma . Athmama vethojako Vu dharthiper loyeethin jeevadathin yek nankyas balar nai pedavo. Malamkarlenukatho Yee kathra moto achamkalar vath kunika! Ajji vu shaswith revalo Dever Beta ven rathoi halvejavajako manikyar jeevadan lelen dharthiper chalero yee kathra moto thyag kunika.

John Howard Griffins kajako Yek dholo admi vetho. Von kal jann katho masaj preethi vethi. Von dallema kai sos ayikatho ma kaler admi dakal badlavni vatho thappa ma vunden Christhur vatema chalyer venikan keldo. Jannathi vu Nivrosevaledakal ghayar vesaru padokonthi jako vela cheni. Vumasaj thavado marrojako jagema sutho, vor jeeven thaar lagado, masaj tharar Creems lagado. Hanu karojerpacha vor rang kalobbur badlagi jannathi dhol korikorer nazar John Howadr Griffins per paditho vo masaj velabhaveti ghale. Athoi Yee bhavetin kaal admivun Yesu Bapur saru prem kidojethi  khamlino.

Yee John Howard Griffins badalgojako rangedakalaj Apaner Prabhu Yesu sada apanevasu manikyama manikyavena huyo. Yekhaptha Vu Prabhu apaner papena athikramamevun kanakesaru kathra jada velabhavetikidocha. Yeshaya 53:5 vachanema dekatho, Vu apaner athikramamevasu ghavo pado, apaner saraler vasu marakhado, apaner samadhanero shiksha vor vumper ladagi. Vu khadojako ghavethi apanen varu vacha.

Ajji jada apaner vasu koradathi marakhado,matheper kanter kirita peraldo, hathema khilemarey jethi akharir loyeer bottuthanu rednako yeesey apaner paap ann sarapesaruj.

Hebrivalun 4:15 vachan kacha, kassenkatho apaner kamjorema badha karenijako moto Yajak apanena cheniju ,soli khabaremayi apaner naiz paricho ven paap chenijako moto Yajakaj apanen cha.