Mar 21 – Tai bonishe ami nishina!

Hebrews 2:14 jinika ekta bacha itu te bhag loishe gau aru khun laga, tai nijor hi inika bhag loishe.

Ami khan laga isor atma ase. Tai jun hi atma te ase, nichete ahishe prithibi te aru jpnom hoishe ekta bacha hoi kene, mangsor te aru khun te. Kiman achurit ase itu jana toh! Kiman biachurit alaga kotha ase ki itu hodai din laga aru hodai din thaka laga chokra isor laga, loishe ekta mori ja laga gau, aru itu prithibi te beraishe.

Ekta manu john howard griffin, jun hi bishi morom thakishe aru daya thakishe African manu khan uporte. Tai Biswas kurishe tai laga mon te ki Jodi tai utu manu khan nishina hoi jabo tinihoile hi tai krista karone tai khan laga mon jitibo paribo, jun khan nijor laga icha te jibon thakishe.itu karone, tai nijor laga homoi aru tagot dishe tai nijor ke negro khan nishina dikkhibole nimite. Tai bishi cream khan aru lotion khan tai laga gau te  lagai she tai laga gau laga rong ke bodli kuribole aru suraj laga nichete bishi din tok thaki thakishe.

Tai notun rong pai kene kala manu negro khan logote usor te ahibole bhal hoishe, hoilebi tai ke boga manu khan pora bishi dukh dishe. Tai sorkari bus khan te uthibole nadiye jun khan ke boga americans khan pora cholai. Hoilebi tai utu khan sob ke bordasht kurishe, kile koile tai kala manu khan uporte morom thaka nimite.

John howard griffin utu sob dukh khan isor jisu krista nishina hi buki manu khan ke morom thaka nimite. Ekbar bhaban kuribi kinika isor manu khan karone iman dukh khan ke buki she mmanu khan laga pap aru biya khan nimite. Pobitro kotha te sapha pora koi  ken ease: “hoilebi tai tu jokhom hoishe ami khan laga biya khan kaorne, tai ke mari kene phulai dishe ami khan laga moila nimite; itu shanti pabole laga kimat tu tai paishe, aru tai laga dagi pora hi bhal hoishe” Isaiah 53:5.

Tai itu chabuk laga mar khabole lagishe, mukut kata laga pindhishe, aru gojal pora kruste tai ke lagaishe aru tai laga khun phelaishe sob boodh, sob ami khan laga pap aru moila nimite.

Pobitro kotha te koi: “ kile koile amikhan laga uncha pandit nai jun khan daya nalage amikhan laga komjuri te, hoilebi sob te porikha paishe jinika manu pai, iku pap nathaki kene. Hebrews 4:15. Isor laga bacha khan, apuni ki yaad  nukuribo isor ke aru mahima kuribole tai jun hi amike bonaishe aru itu prithibi aru swarg ke,  jun bonishe ami khan nishina aru jaan dishe ami khan karone.

Aji bhabna kuribole laga pobitro kotha tu hoile Hebrews 2:14-15 tai nijor hi inika bhag loishe, ki tai mora pora hi khotom kuri dibo taike jun hi mora laga tagot ase, utu satan ase, aru tai khan ke churai dibole mora laga bhoi pora ki tai khan hodai din itu laga bhoi te thake.