Mar 20 – Tai pora hi apuni ke dangor jag ate rakhibo!

Job 36:16 tai pora apuni ke ulai dibole asile iman dukh pora, ekta dangor jagate jote iku mana nai; aru jitu apuni laga table te rakhi ken ease itu bhorta hobo dhon pora.

Kun bi nai itu prithibi te, jun bhal lage dukh khan ke. Jodi apuni lagatar dukh tahke kam te, parivaar te aru poisa phine, apuni laga mon bi bhangi jabo. Hoilebinisor tu apuni ke dangor jagate anibole mon ase.

Ki jani apuni bishi saal pora bhara laga ghor te ase. Kiman dukh ase thakibole malik laga kotha hisab te! Tai khan chutu kotha nimite bi biya pora kotha apuni khan ke koi thakibo pare. Tai khan light khan bi bishi joldi te rati homoi te bi bondh kuribole koi thakibo pare. Aru pani khan bi hisab te hi thakke pare. Aru taikhan bhara laga poisa tu hodai saal hi uthai bi thake pare. Apuni khan bi inika dukh khan laga majote thakibo pare.

Hoilebi isor pora apuni laga dukh khan sob dhikhi ase. Israel manu khan bi Egypt laga under te thakishe aru bishi dukh pabole lagaishe utu homoi te. Egypt manu khan bishi bhari dukh tai khan ke di thake malik laga hisab te. Tai khan mon [pora bhagor lagi jaishe aru gau pora bi hodcai din ita bonai thakibole din aru rati te bi.

Tai khan kandi kene isor ke koishe tai khan laga dukh ke  aru isor pora tai khan laga kanda dikhishe. Aru isor koishe: “ami hosa bi dikhishe dabai kene rakha ami laga manu khan jun khan Egypt  te ase, aru ami hubishe tai khan laga kanda tai khan laga kam pora, kile ami jane tai khan laga dukh” exodus 3:7. Isor tai khan laga kanda hunishe, aru tai khan ke bachai she eypt manu khan laga hath pora aru tai khan ke ani she ekta dangor matite, ekta mati jote dudh aru sehed pora bhorta ase. Aru mati jote pahar aru chutu haphul khan ase, jote tai pani firibole diye.

A ji apuniki dukh pai thakile bi, itu joldh hi bodli hobole ase. Mon dukh kuri nathakibi apuni laga mon te itu problem khan ke loi kene, aru apuni laga komjuri te jitya manu khan apuni ke dabai kene rakhe. Isor ke matibi apuni laga dukh te aru tai pora bi apuni ke bachabo.

Psalms likha pora koi: hunibi amike jitya ami apuni ke mate, oh isor hosa laga! Apuni pora hi ami ke bcahai she ami laga dukh te; daya kuri bi amike, aru hunibi ami laga prathana. Psalms 4:1. Isor pora hosa bi apuni laga prathana hunibo.

Isor laga bacha khan, isor pora apuni ke rakhibo bhal aru dangor jaga te inika hoile apuni manu karone ashirbad hobo. Tai pora apuni ke sonman dibo aru uthai dibo. “hobole dibi Jehovah isor apuni laga baba khan laga banabole apuni ke hazar guna dangor itya apuni thaka pora bi, aru ashirbad kuribole apuni ke jinika tai apuni ke kosom dishe.” Deuteronnomy 1:11.

Aji bhabna kuribole lga pobitro kotha tu hoile: psalms 90:15 bonabi ami khan ke khushi utu din khan laga hisabte junntu te ami khan dukh paishe, utu saal khan jote ami khan biya khan ke dikhishe.