Mar 19 – Tai pora chuni loishe!

Luke 4:18 atma isor laga ami uporte ase, kile koile tai pora chuni loishe amike prachar kuribole gospel ke dukhiya khan ke.

Isor pora ekta thik ministry rakhishe taikhan karone jun khan ke chuni loishe. Tai dishe tai khan ke lagi thaka gyan, tagot utu ministry laga kam ke pura kuribole.

Purana niom laga homoi te, jitya pracharak khan ke chuni loi, isor koi: apuni pora taikhan ke chuni lobo, pobitro koribo, aru sapha kuribo, ki tai khan mantra kuribo amike ekta pandit hisab te, exodus 28:41. Notun niom laga homoi te, sob manu jun khan ke bachai dishe isor pora taikhan hi pandit ase. Apuni khan inika bhabna nakuribo lage ki jun khan khali pulpit te uthe taikhan hi, hi isor kam kura laga pandit ase. Sob manu jun khan ke isor pora bachai dishe taikhan sob bi nijor laga hisab te isor laga pandit ase tai laga kam kuribole.

Sob Christian khan ekta ministry ase pura kuribole. Isor laga sheva aru mahima kura laga ministyr bi ase matthew 4:10, ministry ase isor ke sheva kura laga spaah mon loi kene 2 timothy 1:3, misnistry ase Shraddha aru isor ke bhoi kura laga, Hebrews 12:28, aru ministry ase apuni laga gau ke isor nimite tyag kora laga, juntu pobitro ase aru isor laga ichate, juntu ekta thik kam ase romans 12:1

Isaiah chap 61 te mai khan sapha pora dikhi pai, pandit khan  jun khan sob karone ase, tai khan ke chuni loa laga ase. Bishi ministry khan laga kotha kori kene ase: ministry ase bhal kotha koi diya laga dukhiya khan ke, ministry ase mon bhangi kene thaka khan kea haram dibole, ministry ase azadi laga kotha ke janai diya laga bandhi khan ke, ministry ase jun khan ke sharap pora bandi kene ase, ministry ase isor laga badla loa laga din, ministry ase jun khan mora laga dukh kure tai khan ke ahram dibole.

Swarg pora chuni loa pichete, ami khan laga isor jisu krista itu ministry khan sob pura korishe tai laga jibon itu prithibi te thaka tok. Pobitro kotha te koi: Jehovah pora chuni loishe jisu Nazareth laga pobitro atma pora aru Shakti pora, jun hi jai kene kam kurishe bhal aru changai laga aru jun khan ke satan pora chepai kene asile, kilekoile isor tai logote thakishe. acts 10:38.

Itu iki pobitro atma hi jun pora jisu ke chuni loishe Shakti aru tagot pora, tai pora hi apuni ke bi inika hi bhorta kuri ase. Tai hi ase jun apuni khan ke thik kuri ase isor laga ministry karone. Aru tai hi ase jun apuni khan ke tagot thaka laga gawahi banai ase. Isor laga bacha khan, hodai din bhorta thakibi, isor laga pobitro atma pora chuni loa hisab te.

Aji bhabna kuribole laga pobitro kotha tu hoile Isaiah 60:1 uhibi aru chamkibi, kile koile apunilaga ujala ahishe! Aru mahima isor laga apuni uporte uthi ase.