Mar 18 – Tai dishe nijor flaga chokra!

Romans 8:32 tai jun hi charanai nijor laga chokra ke, hoilebi dishe taike amikhan sonb karone, kinika tai amikhan ke saman khan nadibo?

Ami khan laga Jehovah khuli kene sob saman khan diye. Tai hi rasta ase ami khan ke ashirbad diya laga, aru utu jharna ase bhal saman khan laga. Tai hi utu jharna ase ji pora mi modot pai. Tai hi ase jun ami khan karone bhabna kure jitya amikhan biya homoi te thake.

Tai pora dishe amikhan ke sob saman khan jitya tai itu prithibi bonaishe. Aru itu laga uporte, tai dishe amikhan ke tai laga chokra, jun tu bishi dangor uphar ase. Ami khan kityabi kobole naparibo kiman dangor ashirbad tai amikhan ke dishe jitya amikhan tai laga chokra jisu ke loishe. Krista te ami khan kiman kosom pai, achurit changai, dangor hobo para, mahima aru sonman.

Isor jisu krista tai nijor ke dishe amikhan karone, amikhan ke bachai dibole aru amikhan ke hodai din laga jibon dibole nimite. Ki apuni taike dhonyabad nakuribo apuni laga mon di kene? “isor jisu krista utu rati te hi juntu rati te taike dhokha dishe tai roti loishe; aru jitya tai dhonyabad kurishe, tai bhanagai she aru koishe, “lobi aru khabi; itu gau ase amilaga juntu bhangishe apuni karone; itu koribi amike bhabna kuri kene.” Inika nishina hi tai uthaishe cup ke khana kha pichete aru koishe, “ itu cup tu notun kosom ase ami laga khun te. Inika koribi jitya apuni khai, amike bhaban kuri kene. 1 corinthians 11:23-25.

Baba isor, dishe tai laga nijor chokra ke, jisu krista amikhan karone. Aru isor jisu, dishe tai laga nijor jibon kile koile tai laga dangor morom amikhan karone thaka nimite.

Ki karon ase ami khan ke sob bhal saman khan diya karone aru khuli kene amikhan ke ashirbad kura karone? Itu kile koile tai laga dangor morom amikhan karone thaka karone. Pobitro kotha te koi: “ ile koile isor iman morom kurishe prithibi ke ki tai dishe tai laga ekla chokra, ki jun Biswas kuribo taike kitya bi khotom nahobo hoilebi hodai din laga jibon thakibo. John 3:16.

Isor laga bacha khan, ekta dangor khushi thake ami khan laga mon te, khali tai laga naam loishe koile bi! Tai pora amikhan ke koishe: “ji mangilebi ami laga naam te, utu ami kuribo, ki ami laga baba laga naam uncha hobo tai laga chokra te.”

Ami khan laga isor jisu krista, junke calvary te crucify kurishe, apuni laga pap karone, ji pora puni ke sob te thik kuri dibo0. Ai laga homoi te bi, tai khara kuri ase baba Jehovah laga dahina hath phine, apuni karone kotha kuri di ase, ki koile tai daya thaka laga pracharak ase, jun hi daya kure apuni laga komjuri te.

Aji bhabna kuribole laga pobitro kotha tu hoile john 1:12 hoilebi jiman jon paishe tai ke, taikhan ke tai pora dishe taikhan ke hak dishe bacha hobole isor laga, jun khan tai laga naam ke Biswas kure.