Mar 17 – DEV VOR YEKLOJ BETAN MELOCHA

Romavalun 8:32 Voro thannero betani dena hoto kareniju apaner ser vaas vona havaal kidojako , vor sath larer solina apanena deniju rero kim?

Apner Prabhu dharalavagi ach cheejan devalo cha. Vuj apner sey ashishenan ach cheejen der verir nai cha. Vuj ma dekero asarero gatala,ann Vu Prabhuj apaner gathi chenijako sthithin sada sos karevalo cha. Yee sari srustin Kidojannaj apnen chavnujako sejini dharalavagi demelocha. Yesejithi jada apanen demelojako moto vara kaikatho Dev Vor yekloj Betan manimyasaru denakeroj. Vor Beta Yesu Christhur vadithi apan palajako motmot ashisevun asal soskarer veni. Vu Christhumaj apnen soli soganer vathey, Daivika swasthatha, daivika guna , motpan, gourava ann maryadi malacha. Apanen papethi chodayevasu ann paramer Rajyam dervasuYesu Christhu vorvuj siluvan haval karlido. Jethi yee kamesaru thar puro dallethi Deven vandan karesnika?

1 Corinthivalun 11:23-25 thamena Ma haval kidojena Prabhuthi leldochu, kaikatho- Prabhu Yesu pakadayejako Vu rather vagath batina len ,sthuthi karan – vona thodan tham len khavo ,yee thamar vas thutajako Mar jeevadacha,Manna herdey kayena yen karo kan ko.

baati khadejer pacha Vu vor naij kacholin lelen-  yee kacholi Maar loyeer navvo karar cha,tham yena peevajana sey Manna herdey layena yena karo kan ko. Dev vor yekloj Beta Yesu Christhun apanesaru denako. Vu Prabhu apnen ghano prem karan Vor janena jeevadana ann loyeena siluvaper denako. Vor karan kai katho Yohan 3:16 Dev jagathin kathraiko prem kido jethi, Vu Vor yekloj Betana dino, Vona viswas kareval koithoi hal veni pan shaswith jeevena palacha.

Mar premevalavo Vu Yesur namen boleroj ghano moto ashish vencha. Jesaru vu hanu kerocha, Tham mar namema Kai thoi pucho vu mar  Baper mahima saru Betar vadithi dunchu.

Vu Yesu Christhu apaner pape saru siluvaper maran pharan masanemathi vutan,Aajethanu Baper jamman pakthima bhesan apner kamjorevasu Moto hajaker nai rethanu araj karrocha.