Mar 17 – Tai pora dikhabo rasta!

Psalms 32:8 ami pora apuni ke dikhabo aru sikhabo apuni ke kuntu rasta te apuni jabole lage; ami pora apuni ke loi jabo apuni ke ami laga sukku pora.

Kiman bi sundor ase kosom khan isor laga aru itu pora amikhan laga atma ke kiman shanti diye! Tai pora amikhan ke koi ase ki kiman morom pora tai apuni ke shikabo apuni kuntu rats ate jabole lage.

Isaiah isor ke kiman khushi pai kene tai isor ke 5ta naam dishe. “aru tai laga naam matibo achurit, bujai diya, hodai din laga baba, rajkumar shanti laga. Isaiah 9:6”. Tai pora bujai diya tu manu pora ami khanke bujai diya laga nahoi jun hi itu gyan tu degree pora hi paishe. Hoilebi isor laga itu gyan aru budhi tu anubhav pora hi paishe juntu te shuru aru ses nai. “oh Jehovah, apuni ami laga isor ase. Ai pora apuni ke uthai dibo, ami apuni ke mahima kuribo, kile koile apuni achurit kam khan kurisbhe; apuni pora bujai diya tu hoile poila laga tu hoile wafadar aru hosa laga ase, Isaiah 25:1”

War khan laga homoi te, army general khan tu meeting loi thake kinikka war khan khilebo. Jitya ekta desh dukh laga samna kure , political leaders khan meeting kure itu laga upai bisari kene. Hoilebi apuni tu khali isor logote bohibo lage hodai din aru scripture puribo lage aru isor laga kotha ke bujibo lage. Psalms likha pora koi: “kiman kimti ase apuni laga bhabna khan bi amike, oh isor! Kiman dangor aae itu khan sob milaishe koile! Psalms 139:17”.

Kinika isor laga kotha ke pabo bujibole?  Apuni khan bujibo isor laga kotha ke tai aste pora hi apuni ke prathana laga homoi te koi. Apuni itu isor laga kotha pora hi pabo. Tai apuni ke sapna aru vision khan pora bi bujai diye.

Ekbar ekta maiki bishi poisai haraishe ekta manu pora taike thogai dishe ki tai logote plot ase bikrikuribole. Itu maiki itu poisa diya laga iku receipt bipanai. Aru itu maiki nijor lag apoisa bi wapas panai iman kuchis kuri kene bi. Pichete  itu maiki prathan kurishe isor ke  mon bhangi kene, isor pora taike hudishe kile ami ke huda nai itu payment nakura agete. Hoilebi isor pora koishe ki tai itu maiki laga poisa tu wapas pabole dibo. Tai itu maiki ke judge laga chehra dikhai dishe. Jitya itu maiki judge ke kotha kurishe, isor pora dikhai diya hisab te, judge pora police khan ke itu poisa ulai dibole koishe. Isor laga bacha khan, hodai din isor ke apuni laga agete rakhibi, apuni laga sob rasta te aru tai pora hi apuni ke siddha rasta dikhabo.

Aji bhabna kuribole laga pobitro kotha tu hoile psalms 33:11 shikhai diya isor pora hodai din khara thake, tai laga mon laga bhabna sob khandan tok.