Mar 14 – Anin Rabrabtaben!

“Butente d’ong-ben panabban saring rapti rabrabte….” (Judan 1:24).

Kan Judan a kambo’olan yakurdi-moloi akambo’olan Bibol-lingan, yakurdi-tudru saring. Kan ate anidolan bo anappaiolan ambrij do aboina tanuban daku.

Aboina tanuban dakule janang, tanuban atanakud-lingan – anappai Judan gadlamlangten Kitungan sattang maih panadban saring rabrablangten. Kitungan sattang d’onglen Janggardadage mandrengna panadban saring rabrablangten.

Bo gorjangan Valparai, titte-lingan saha anibanji daku ‘Bo surda saha abarun’ gamteji. Kun bo langa daku, titte-lingan bo surda arengan daku ‘Anidolan adele areng’, ajaitaban saring lanakkaban awr lankkadam daku. angante bo mandra lanangkaban tanangte, kudi kota angante gijgijte lanankaban saring jaitan sagai daku. do bogad buteja lanankaban saring galulenden, ad’ongdaman s’ite, kun arenglingan gatargatarle, do aboi soi ajangan adakue.

Engale anlen lanankaban gijgijtabe, yaryarmanegba sonuman a janggardan daku gamle d’ongben dongrabte do ganalun saring, do kuni-lingan saring rab-benten. Bindo pintu-lingan galulabenden do jaru gamle ayirlenden, ateng kanalkalan ayangte engale lanankaban saring agalutabenan. Yang akanalkalan kan ate? pintun janang urungtaben ateng kanalkalban.

Anappai Judan kabol-lingan, anin idolle judanji abmele, ayengan amandranji Kitungan abmele tanimyiman abs’idleji, do a kinsanji asan abs’idleji. Buten buten Kitungan apisirdinanji ambrij dakuleji, lanalun batte aninji sonuman gadileji, do a d’onganji lanadlu dele erahid hamangtud ganun-lingan.

Janardigodban saring abs’ite jundardan, pintun, kinsana, anabduaina, abrunaben do koranan kan ambrij. Bindo kan kudduban apanaban saring Kitungan sattan rabrabtaben nami a dinna saring dile tordong.

Kitungan a ranabti s’i-lingan, kuddub ganalu saring Kitungan rabrablangten. Angante amben j’ingben jalote, amben Kitungan asuyeman akaridadong Anin d’ongben sagalte. Tanahimdam Kitungan a onagji, akaridadong Kitungan asuyeman mangben saring adyirad. Garberna mandrengna ling-ben iteja anab kalakalan agasa. Do ganalu saring Kitungan d’ongben dongrabte.

Okiy Kinolbe absele: “iten asan gamlenden Butente a bernan hen derrenai, Anin a s’i lingan itente surpidlai, antate murda dinna sikkoi ja Anin rapti turturte, kanate hen raduloge dertenai” (2 Timoti 1:12).