Mar 14 – Tai pora dibo!

Jude 1:24 itya  tai jun hi apuni ke rakhi ase giribole nadi kene. Aru apunik dagi nathi kene dikhabole isor laga mahima usorte pura anondo pora.

Itu Jude laga kitab tu 65 number te ahe bible te, pura  66 kitab majete. Itu epistle tut e hoile khali ekta chapter hi ase.

Itu te khali ekta chapter thakile bi, itu laga ses phine- apostle jude isor ke dikhai ki tai hiase jun khan ami khan ke giribo thaka pora bachai. Isor hi ase jun amikhan ke atma te bi giribole thaka pora bachai.

Valparai usorte ekta tea estate ase ji ke ‘high forest estate’ mate. Itu estate laga usorte, ekta pathor ase jike number rock mate juntu bishi dangor aru  uncha ase niche laga mati pora. Jitya manu itu pathor laga uporte khara kure, itu pura jaga  ke hazar feet nichete thaka nishina dikhe. Aru judi kunuba itu upor pora gire, pura gau tukra hoi jabo, aru itu te iku haddi bi nabachai bo.

Jitya apuni itu uporte uthe apuni laga theng bi kapi jai bhoi pora satan pora girabole khuchis kura nishina. Hoilebi pap te gira tu aru bi biya ase inika upora pora giri kene haddi bhanga pora toh. Kiman bi biya ase? Pap pora hi apuni khan ke hodai din laga dukh te girai dimbo.

Jude laga epistle te, tai likhe jews khan laga history, jun khan hari jaishe taikhan laga morom thaka isor nimite aru girishe tai khanlaga ghamandh karone. Jun khan isor laga duth nishina thakishe, tai khan hi giri kene satan te bodli hoishe, aru dhakai diye hodai din laga jui laga pani te.

Manu ke niche dikha, ghamandh, pap icha, bodmas, lalacha itu khan sob pora manu khan ke pap te giri bole diye aru siddha rasta te jabole napara hoi jai. Hoilebi isor, jun hi zinda ase aru tagot ase ityabi apuni khan ke gira pnora bachai kene rakhibole.

Isor laga tagot thaka hath, te iman tagot ase ki taipora hi apuni khan ke gira pora bachai kene rakhibole. Jitya bi apuni laga theng kape, apuni khan kitya bi napahoribo lage ki isor laga daya ru morom apuni logote hodai din ase  apuni khan ke dhuri kene rakhibole nimite. Isor laga bacha khan, thik sai kene thkaibi isor laga daya aru morom ke untu apuni pora kitya bi naharai. Thik rakhibi ke pauni laga prathana laga jibon thik ase aru prthana te iku komi nai. aru isor pora apuni ke hosa bi   gira pora bchai kene rakhibo.

Aji bhabna kuribole laga pobitro kotha tu hoile 2 timothy 1:12 kile koile ami jane kun kea mi Biswas kurishe aru ami jane ki tai pare juntu kea mi bhabna kuri loishe taike utu din tok.