Mar 10 – PREM KIDO

Yohan 13:1Paskar thevarer aang ,Yesu yee jagena chodan Baper dai jayero vagath ayocha kan malam karan ,yee jagathima Vor valena prem kidojummaj ,akharithanu vunden prem kido.

Apaner Prabhu ghano premevalon ghano dayavalo , Vuj thona akhari thanu premethi chalayevalo cha.

Yek adabima matir chithali ann beerer chithali masaj tharsethi vethey jana pani saru dhundrethey. Dasekaj pani chajako jaagen vunden dakayithi . Jana vo doybhi thu pichi kaiko yek thu pichi kaiko kan ajjek yeker munden yek dekrethey.

Jana doi yekkaj hapthi mundo ghalan piretho vomar pani kamvikoni kankren katho yekethi yek dasek dasek peeldey. Yee kathra moto thyagamero preethi kunika.

Yek hach dhani gonni bhalan railer pattar vumper chalan jarethey , vu gonnir taang malamcheniju vo pattam halajagi , vor dhani halajagijako taangen kaden masaj vela kido pan phaido cheni.

Jannaj yek express rail vuj pattaper jorethi arithi jen vor gonni hanu ki maar jaan dagargitho dagargi thu thar jaanen banchalda ,katho vu dhani koni thu marasthoi ma thar sath runchu ken doi bhalan railer heta jaan chonakey.

Apaner Prabhu Yesu sada von ayijako vela bhavetima ,thatta kidethoi, marethoi, siluvama thar sarun marsaru margo pan siluvakanethi dhasgo koni.

Jethij Dever vath kacha, Darshaner grandh 1:5-6 ,Saas gavayin ,motheymathi agadiya huyojakon,dharthir rajevuna palan karevalo Yesu Christhuthi ,thamen krupan samadhan veda.

Apanen premkaran , Vor loyeethi apaner papemayithi chodan,Baap Dever aang apanena rajyaman , yajak kidojako von, mahiman thakath jagu jagumayi veda.