Mar 09 – Tai pora hunibo!

John 9:31 judi kunuba isor ke sheva kura laga ase aru tai laga icha kure, isor taike hune.

Jitya apuni gyan thaki kene isor laga icha te kam kure, tini hoile isor pora apuni laga prathana hune. Tai pora sob pura kure tai laga kosom khan aru itu te AMEN ase. Jitya apuni tai laga iccha kure, tini hoile tai hosabi kan dibo apuni laga kotha te..

Itu kotha tu ekta manu jun hi suku pora nadikhe jonom pora hi, tai laga suku jisu pora khuli dishe. Tai pora hi itu kotha ke koishe Pharisees aru seduces khan laga swal te jawab dibole nimite. Ami khan itu john 9:31 te purile pabo. Itya amikhan jane ki isor tu papi khan ke nahune; hoile bi judikunuba isor laga sheva kure aru tai laga icha kure, isor tai ke hune.

Raja david tu tai ase jun hi nijor laga jibon isor laga icha te kkuri thakishe. pobitro kotha te koi psalms 21:2 apuni pora dishe tai laga mon laga icha, aru rukhai kene rakhanai tai laga anurodh ke. Mon  laga icha khan, bhabna khan hosa aru thik manu laga hinisor pora hune. Proverbs 12:5 hosa manu khan laga bhaban khan thik ase, hoilebi kotha khan biya manukhan laga thogai diye.

Apuni khan hodai din bhabna kuribole lage ki apuni laga prathana tu monjur hobo na nai, apuni laga anurodh tu isor laga icha ase na nai. prathana Solomon pora kkura tu hoile isor ke monjur thakishe. aru isor koishe: thakibi,ami kuri ase apuni laga kotha hisab te.” Jitya apuni laga mon te biya thake, isor pora apuni laga prathana nahunibo. Itu homoi te 1 john 5:14 itu hi ase ami khan laga atma Biswas tai uporte, ki judi ami khan ikubi mange tai laga icha te tai ami khan ke hune.

Jitya amikhan isor laga icha kure, amikhan dhariya thake , isor pora pura kure juntu kosom tai amikhan ke dishe. Deri hoile bi tai diye. Tai kosom dishe Abraham aru sarah ke bansh dibo koi kene. Hoilebi sarah pora isor laga kosom ke rukhanai. Itu ke pura kuribole sarah pora tailaga naukar  hagar ke Abraham logote thakibole dishe. Tai bhabna kurishe tai laga bacha khan hagar pora hi hobo paribo.

Itu homoi te hi Ismael jonom loishe. Aru utu homoi pora itya tok, itu karone iku shanti nai Israelites aru ishmaelites khan majote. Judi sarah dhariya thaki kene rukhi thakile, itu din ahibole thakanai. Isor laga bcha khan, rukhibi dhraiya thaki kene, aru dibi apuni nijor ke pura tai laga thik homoi te aru nijor laga jibon ke uthibole dibi.

Aji bhabna kuribole laga pobitro kotha tu hoile 1 samuel 2:35 titya ami khara homoi nijor karone ekta biswasi pandit hobole jun kuribo hisabte jitu ami laga mon te aru dimag te ase. Ami bonabo taikarone eta ghor aru tai berabo amilaga agete chuni loa hoi kene hodai din.